請問種過野又有好多根嘅科學坭可以再用嗎?

你所謂的科學泥,是否屬於培養土的一種;是否含有大量沙石,腐植質和壤土。若果該種泥土經過種植之後,除了含有遺留下來的根部和鬚根之外尚有毒素;應該將該泥土翻轉,讓陽光和空氣引起風化作用, 使毒素及殘留物完分解和腐爛後才能重覆使用。而且最好預先用石灰或殺菌劑撒放及灑遍泥土後,再加添新培養土或物質。

有兩條意見：
1 種過植物的科學坭其中的營養已所剩無幾。不會種出正常的植物，會又瘦又細發育不良。
2 酸鹼度會有問題，應適當翻曬，從一個花盆倒入另一個花盆，如是若干次，細跟已死咗，加進肥料（處理過的有機肥或化肥），不同植物用不同肥料，（我會加一小把米）。

當然可以.

將泥倒出來攤開, 揀走d根, 垃圾, 再混合一些完熟堆肥/其他有機肥, 放回花盆. 淋多d水加速堆肥分解, 過一星期左右可以落苗. 如用化肥可以不用等, 直接用得.

2011-11-23 09:30:59 補充：
揀走d根既目的係唔好阻住新既植物生長. 如果根細到揀唔走, 大概都阻唔到, 就由得佢留番都得, 腐爛左當肥料供應既一部分, 唔肯爛咪當成植料既一部分.

想下係大自然環境, 植物死亡都冇人清走d根, 新既植物都生到, 係咪? 樹根, 灌木根等雖會阻住新既植物, 日子耐左始終會腐爛/被蟲蛀食, 結果變成肥料和泥土既一部分.

係你既花盆中位置有限, 管理得宜所以冇蟲冇蟻, 又唔想等一年半載才重新種植, 所以先至建議你揀走d根咁啫.

2011-11-23 11:47:15 補充：
非常謝謝Bluesnow的意見. 在下只道曬泥有消毒作用, 殺死細菌,霉菌和害蟲的卵, 但未知可否改變酸鹼度.

植料如用了多次, 施肥令它變酸, 可以在植料上灑上或混入雞蛋殼粉或貝殼粉, 淋水時自動緩緩分解, 釋出鈣離子來中和植料的酸性, 同時也可補充肥力.

如用未發酵的米就要注意, 先讓它在土中發酵完成, 連土曬乾再用會比較好, 因為當植物生長中而附近有腐爛發酵中的物料, 容易引起霉菌滋生, 特別在陰雨潮濕的天氣.

歡迎大家多交流, 一起增長知識 !