成23歲人,覺得自己好無用....

我今年23歲...以前咩都唔識諗,書又讀唔成....
17歲中五畢業後就開始逃避一切, 唔敢出去搵野做, 於是躲在家1年只是打機

第2年個心態都係未識改...是但報住d課程來讀, 結果兜兜轉轉讀左 d 自己覺得無咩用既野.... 直到21歲時諗將來要點行..結果我選擇退左學....但係我退學後無積極咁搵野做....都係好似以前咁唔敢去面對...不過我最後都踏出左第1步去試下搵一d 短期合約/散工, 希望會對我有改變結果俾我搵到份短期工, 做左幾個月, 但起呢幾個月入面我好唔開心,好似每次返工都係自己一個,見到其他同事都玩得好埋,但自己就有d比人排斥既感覺,真係覺得好傷心...成日係到問自己係唔係自己唔適合起出面個社會生存?

其實我以前讀書都有呢d情況發生,或者係我以前既經歷搞到我變左一個咁既人....記得以前成日俾人當細路仔咁玩...可能我個樣生得比較細個弱小同埋易"恰"... 有時同朋友出街,每次見到d陌生人我都係唔會被尊重果個,因為佢地覺得我成個細路咁,所以有咩事都係同我個朋友講(可能佢外表成熟)

依家自己已經23歲仔, 但外表仲成個17,8歲既小朋友咁,一諗到呢點,自己就好自卑,唔敢出去面對人....我好想搵個目標去做,但係自己又咩興趣都冇,唔知有咩工可以岩自己做.....覺得返工好恐怖,會驚俾同事排斥好似以前咁...
我自己都唔知自己想點....朋友個個都各有各忙,已經小左搵大家好多了... 前排我冇做野後只係躲在家中逃避... 感覺我既人生好灰暗, 但呢d事又唔敢同朋友講...所以想起度搵d人開解一下我.. 唔知有冇人可以明白到我既感受,

如果你地唔介意可以add我msn傾傾
好想搵到一個明白我感受既知音人
[email protected]