第一次租鋪的問題,原來好煩...請幫幫我

我喺網上搵到一間商場鋪頂手,,價錢同地點我都滿意
我想租,但一直連絡唔到果個人

後來,我喺旺角又睇中一間,,開價多左千7
其實就係同一間鋪黎,俾呢位x先生頂左黎做...
x先生同我講,佢現有兩間鋪做梗生意
本來頂番黎叫佢老婆做的,佢話老婆生仔,而家無人睇鋪
所以頂手俾我...佢只係租左一個月多dd

貴左足足千7,我都認命,咁呢個商場+人流算值既
咁我決定租啦...
我打算12月1號開張,佢話俾7日免租
23號簽約,唔轉名直接同佢租
本來我都ok,同屋企人商量後,話唔係咁好,不如叫佢直接轉名好過

後來,我同x先生傾過,佢話可以,不過要先俾<<3個月按金+上期>>
我話,乜唔係2按一上咩,但佢話佢簽約時都係咁俾,,
之後會佢同業主搞轉名...
我問佢攞業主電話,佢話無,搵佢唔到,只可經地產

第二日,,x先生打電話俾我,話咁啱業主而家賣盤
簽約要等新果個業主搞好哂d買賣合約先可以簽
要等到12月中先{可能}得
佢叫我照俾哂d上期按金佢先,夾埋4個月
當我直接同佢租間鋪....

我問佢攞地產電話,個地產佬話唔可以幫我地簽約
第1...業主賣鋪俾人,係連約賣,就算我有租約喺手都無用
新業主有權唔認我張租約...
第2...租客無權放租俾其他人,唔合法的,,
呢種約地產唔會做
第3...地產佬同我講,x先生簽約果陣係俾2按1上
而唔係佢所講既3按1上

最後~!!我係好想租呢間鋪,但問題多多,我應該點做好呢??
煩死...
圖片參考：http://i.discuss.com.hk/d/images/smilies/default/smile_27.gif