同1個男仔..都幾複雜既問題..唔知點相處.

大概1個月之前
佢向我表白
我果時已經鐘意佢.
咁就驚驚地咁樣應承左做佢gf
點知佢就唱開哂.話比全世界知我係佢女朋友
差d老師都知.
仲要差唔多日日都有人黎問:xxx(我)係邊個呀?
我真係受唔住就分左手
但係我地仍然係好好既好朋友[不過.我知佢係好傷心.
-
3日之後,我同佢傾計
佢話我知仲鐘意我
其實我都仲鐘意佢
不過我就話今次要好好考慮
點知佢當我應承左咁,又繼續唱開哂
雖然佢係好好人,但係我仍然拒絕左佢
因為我唔想歷史重演,搞到我同佢都唔開心
-
依件事之後,我地都係好朋友
當然.我知道我地大家都鐘意對方;
1個星期之前.佢又再同我表白
依個男仔好長情,沒完沒了.
如果我再拒絕,我真係怕佢會受唔住
我就應承左佢,不過今次就講到明唔公開.加上我本來就鐘意佢..
本來都冇問題..相處得好好.
不過呢-_-佢真係狂跟住我.
係學校去到邊都係我隔離
真係-__-...接受唔到
有時係學校週會想自己靜靜地同fd一齊坐傾下計都唔得囉..
-
我星期五果日有d事唔開心,心情唔好..所以唔想同佢坐..驚我會唔小心發佢脾氣
我就同1個fd坐..1路係度訴苦..
跟住放學啦..我要去練啦啦隊.
練完之後.對腳根本痛到行唔到..
我可以行到番屋企已經係奇蹟..
番到屋企..仲好似有d感冒.(因為之前果日淋過雨
我就冇開電腦..訓左教
-
第2日朝早
佢send SMS叫我聽日唔好遲到(我約左佢)
其實我身體已經勁唔舒服..同埋腳又勁痛
我咪話唔去囉.
點知佢就話我玩野..
但我睇得出佢係"想"相信我.
SEND番SMS叫我小心身體果D啦.
我真係冇心機理佢
1黎覺得好委屈..2黎我真係勁冇精神.
就冇回佢.
夜晚我依然冇開電腦..食完飯就訓左教
12點果陣.我個fd send SMS黎.d通知聲嘈醒左我
原來佢搵我個fd,
同佢講我唔理佢,想分手咁
我係1個好重視朋友既人..
係個sms入面睇得出我個fd已經開始覺得我好花心,對我印象唔好.
我緊係嬲啦.
即刻講番個事實比我個fd知
話我真係好唔舒服,腳勁痛..
傾左一陣我又訓番.
-
今朝
佢叫我唔好嬲,唔知我真係唔舒服.不停咁道歉
我真係冇心機理佢.
我根本未好番..腳仲惡化到行路拐下拐下..行一行都勁痛..
其實我又點忍心嬲佢呢..
但係我真係唔鐘意佢成日跟住..令我好煩惱..
有幾次真係好想打電話去鬧佢,同佢講分手
但我知佢會好唔開心,所以冇咁做..

我應該點樣處理依段感情..點樣同佢相處?!

sorry呀,唔好介意我比得太少分..
我真係好唔開心好煩惱..幫下我啦..plz...