個心好矛盾

半年前
有位女同學給我印象不太好
為人現實,虛偽,小器,成日發脾氣,大小姐一個!
而且熱愛出風頭,但思想又幼稚,為人自卑
有時會笑笑口約下我一齊食飯,但食完飯就立即黑面
我都唔知咩事
所以之後都唔多理佢,但佢又成日以為自己好醒,成日BAN我講D野
總之乜都嘈餐死,但對住一D佢覺得惡既人,就好聲好氣,唔會敢得罪人

話說果陣有次佢話收集OK便利店印花,換野,笑笑口問我有冇
我其實都有幾個,不過其實唔要,送比佢都無咩所謂
我一講完有之後,佢就主動提條件,話請我食飯,仲50蚊樓下
果陣我就唸,其實食飯都唔會駛食50蚊咁貴,而且D印花對我無用,所以唸住之後叫佢請我食個下午茶,或飲杯野算
不過以我唔認真既性格
果陣我就講笑咁話"好,咁就一於食盡50蚊啦"
然後佢露出一副無奈的表情

過幾日後我就比左D印花佢啦,佢都好高興,其實我都為佢高興
不過惡夢就開始,食飯件事我提都未提,佢就即時同我講佢最近無錢(富家女,又有返PART TIME..仲成日講自己返PART TIME)
其實聽完我第一時間都覺得自己中左佢既圈套既感覺
不過都係觀察一排先,可能唸多左,可能佢知要請我食餐50蚊,要籌備一下啦
但之後點能知佢之後好似扮唔記得件事咁,而且又臨近假期,佢貌似想博我假期後唔記得件事
我果陣既感覺就係"駛唔駛CHEAP到咁?為幾個印花咁樣講大話都有?"
過左幾日我主動提佢,佢仲堅持話無錢(點知轉頭痴埋黎食飯仲叫外賣吉野家)
自果次後,本來印象都唔多好,關係開始越黎越惡劣(其實佢同其他同學都關係惡劣)
條件又係佢提出,轉頭無錢又係佢,轉頭又話返PARTTIME又餐餐食吉野家又換電話....轉頭仲大聲夾惡咁同我講野
講真,餐飯我真係唔在乎,自己又唔係無錢開飯,不過睇住自己擺明比人昆完仲要日日黑口黑臉對住我條氣就真係唔多順...(一禮拜前又吵左次架)
到半年後既前幾日,我鼓起勇氣同佢講"你差我野喎"佢話"差你咩呀?"我"之前餐飯"佢"無錢下次先"(即係仲記得啦)
然後就直接無視我
於事我怒氣沖沖咁係琴日用另一個FACEBOOK AC,寄左封短訊比佢(之前個比佢BLK左)
寫一大堆貌似有文有路既廢話,其重點係假如佢再唔理行承諾,我將會搵小額錢債處追討或以欺詐罪作出起訴(當然只係純粹嚇下佢啦)
而文筆方面有文有路,佢唔會覺得係我寫的
點知佢今日就拍我博頭笑住比左$50我,然後走左
還左錢故然係好
不過我個心就好唔舒服,覺得好似做得太過火
又有種"非得要我這樣做,才知訂"的感覺..
老實講,印花唔值錢,更唔值50蚊,點解佢要為幾個印花咁出賣自己誠信?
而我確確實實為了幾個印花作出不合理追討(個人覺得)

真係覺得好矛盾,好唔開心