警司警誡時間

朋友仔，你好！

警察方面係咪已經確定左會俾你做警司警誡呢？如果係真既話，其實你唔使太過擔心，只要經過一個簡單程序案件就會完結啦。

估計你所講既應該係普通襲擊罪，係刑事罪行，一般黎講係要上法庭處理咖。不過當事人若果年齡介乎10至17歲，承認控罪，無案底及有悔意，警方可以運用酌情權施行警司警誡以代替檢控。簡單黎講，你同家長需要到警署，由一位警司告誡你所犯罪行既嚴重性，訓示你唔好再做違法行為，你之後亦都要積極配合由警察青少年保護組既警員同社區支援服務計劃既社工提供既輔導及活動，建立健康正面既生活。警司警試後你只會留有一個臨時既犯案紀錄，但並非刑事案底，你18歲之後就會註銷，亦都唔需要向任何人披露咖。當然，希望你汲取左依次經驗，以後小心行事啦。

好似頭先咁講，警司警誡會由警司執行，所以會配合警司既工作時間，多數都係下午進行，間中亦有早上進行，但甚少會安排響晚上咖。不過你有疑問都可以直接同負責你單案既案件主管(警察)聯絡，有興趣亦可ADD我MSN/FB傾傾啦：[email protected]

補充一句，以上內容只供參考，不能視作正式法律意見。