請幫幫我!我想養貓(20點)

其實你應該知道你有冇能力養到貓貓,如果夾硬黎,最終可能受傷既都係貓貓.
請你三思啦.

1.新手養貓貓冇話要幾大隻.不過如果係新手既話,最好養花貓,花貓比較便宜同
易養.

2.貓貓一定會周圍爪野,最好做定心理準備,有可能會爪爛個沙發都唔定.如果你
驚既話,你可能同佢剪指甲.

3.貓貓最好絕育啦,絕育既話你可以帶佢去愛護動物協會,我其中一隻貓系愛護
動物協會領養既, 果時佢好似收我1600蚊, 之後我幾個week之後持番比佢
絕育, 佢就比番1000蚊我.如果你覺得600蚊冇能力負擔既話,你可以去梭椏道
動物診所(電話: 27609663)做絕育,收費都合理, 又ok.

4.你可以訓練佢,教佢唔可以上床,你都可以買間床仔比佢訓,佢就唔會上你間床
架啦.

5.首先你要比多d時間留意佢,一發覺佢想去廁所就即刻放佢落個貓沙盤度,一次
兩次未必得架,要試多幾次,等佢習慣下,最好可以係唔應該比佢小便既地方噴
D專用既去味劑,(因為個d味係貓貓唔鍾意的,噴咗之後佢就唔會係果個地方停
留).

養貓貓需要既野：食物碗,貓籠,玩具,貓砂,便便產, 食物,毛巾,水兜,貓梳,貓指甲鉗, 磨爪板

打針&杜蟲: 每三個月需要幫貓貓杜蟲;每兩至三個月需要幫貓貓杜蝨; 及後每年帶貓貓回寵物店打針一次 + body check

每天工作: 清潔沙盆/飲水器/幫貓貓梳毛/同貓貓玩- 最少10-15mins

細心留意貓貓身體,一有唔同(流好多眼水, 鼻水多,耳仔突然好多黑色)就可能代
表生病了

貓貓到六至七個大開始，貓主最好幫牠們安排絕育手術，這樣亦對貓貓長遠的健康有利

貓糧,最先要食返寵物店食開果隻先, 之後再轉你覺得好的糧,新糧最初要由十分一加在舊糧中,慢慢加多D,用2-3weeks 去等貓貓適應

你要花時間陪佢, 如果你唔理佢, 佢會好慘架

家居清潔:滴露／漂白水是有機會令貓貓中毒的

希望可以幫到你!

2011-11-19 20:09:37 補充：
其實你睇到原來養貓貓都要準備好多野,起碼超給1000.
貓貓系生命,唔系話你見到佢好得意就想養,你爸爸都唔比你養,你覺得自己又能力可以比到貓貓咁多野嗎?就算系絕育,起碼都要幾百蚊,你而家都只系學生,點可以負擔呢?又要考試做功課,根本冇能力.唔好夾硬黎,不如等你大個or有能力負擔到喇,果時先
養啦.

1.未開眼就好。
2.會。
3.得,但1年度, 你會晚晚冇覺好瞓, 因為佢會「叫春」。
4.用繩縛住佢, 用籠困住佢。
5.唔洗教, 將個飯兕放响個沙盤附近, 又或佢食完之後就縛佢响沙盤附近, 一兩日佢就會識用, 自動自覺走去沙盤解決, 貓之所以四維爪嘢, 有兩個原因, 其中一個, 就係搵廁所, 搵嘢埋屎尿; 另一個係磨耗不斷生長的利爪。

夾硬黎??

嘿....佢抓爛晒你d「至愛」, 到時咪後悔......你有你屋企人d「至愛」, 到時有排嘈!!!

有得夾硬黎既咩???

1.冇話幾大最好.唔同年齡既貓有唔同既麻煩

2.絕對會,

3.冇一定..300-3000都有

4.冇

5.比時間同心機教,冇教唔好既貓狗,只有唔識教既主人,

個人建議同+人商量左先,因為你根本冇獨立經濟能力去照顧只貓.難聽D講就係你

冇絕對能力定只貓既去留.如果夾硬黎到最後受傷既係只貓