中三選科問題，求高人幫手....

真係咁ARM，我頭先見到「中四選科的問題」，我答緊另一條問題，諗住答完再答你，點知轉個頭唔見咗，原來你移除咗再問過，你係咪漏咗「英文洗唔洗超好?」呢句？你真係可愛(真心講)，你補充內容講咪得囉(唔好誤會唔係笑你或話你)！仲有你都幾好人，加多咗一條問題就加多五點分數，欣賞欣賞！
又係咁ARM，我依家讀緊中四，即係舊年選咗科，大你一年，又係入咗M2。

我下年升中四，大個想做建設地政果類，雖然諗到中四想讀咩科，但係唔知有冇幫助，求高人比d意見: (想讀物理、化學同地理)
首先我想講我唔係D咩高人，同埋其實唔係高人都答到你。至於你的問題，唔好意思，其實我唔係好知地政做D咩，網上面又講得唔清唔楚，係咪好似地政總署的工作，即係管理香港政府的土地及行政，工作包括土地測量及繪制（數位地圖資料庫）、斜坡維修、寮屋管制及清拆、土地徵用、法律諮詢及土地轉易、契約修訂、土地批售、地稅分攤及追繳、物業管理？如果係呢D咁讀地理緊係有幫助啦，仲係最佳選擇添呀。如果唔係呢D你可唔可以補充內容講一講我再補充答你？至於建設咁讀物理緊係有幫助啦，都係最佳選擇添呀。但係化學就唔係好關事，同埋我唔知你學校要求3x定2x定1x(x即係選修科)，多數學校就2x我間都係，如果你間學校3x我就覺得你選埋化學都無咩影響，只係讀多一科辛苦少少。如果2x你可以選組合科學(物理+化學)同埋地理(組合科學係一個選修科)，但係你話大個想做建設地政果類我就覺得唔係幾好，因為我上面都講過，化學唔係幾關事，而讀組合科學比專讀物理的課程內容少，咁就唔係幾抵，所以我建議你選物理同地理就得啦就係咁(應該好少學校只係要求1x，我諗你果間都應該唔係)。
如果我想讀m1 m2，咁我應該讀邊個?
呢個問題問得好，年年好多中三都會問。其實要睇你數學邊方面勁D或比較有興趣，如果你比較喜歡文字題，又覺得背咗條數式照用返出嚟就咁代條題目講D數字落好D咁我就建議你入M1。如果你比較擅長或喜歡計未知數，無咁多文字睇淨係比條式你計，就算見到一條好複雜的數都好興奮(講笑)，我就建議你讀M2，其實雖然我讀M2，但係有時見到D數都唔想計，一D都唔興奮，但係我英文同數學都OK唔入又好似浪費咗D。但係好似M2睇中三數學的成績比M1要求高(其實一DD學校我都係聽聞講唔係好清楚)，M2好似要80分以上M1就好似只要70分以上，但係最終都係以你自己的能力同興趣作首要決定。講埋M1M2最明顯的分別比你聽可以容易D做選擇(我舊年的數學老師講架)：M1就要你睇一兩版紙(題目)，M2就要你寫一兩版紙(步驟)。我覺得無論你選M1定M2最緊要都係你要有心理準備都幾變態下，到時會比唔係讀M1同M2的同學辛苦，因為你又要讀必修課又要讀附加數學，課程會好趕就會係咁補課補完又補補到你傻都繼續補(我今年就嚟去到呢個地步，我見到M2 D數都幾~變態)，以上係我的溫馨提示就係咁。
英文洗唔洗超好?都係果句，你真係好可愛。其實英文唔洗超好，要好就已經夠啦，我依家呢班有D同學英文都唔係勁啦(唔係笑人，我自己英文都係一時時)，何況超勁？其實你唔洗睇得咁嚴重，英文唔係太好都無咩問題同影響，因為英文數學嚟嚟去去都係果D字，你睇睇下就會慣。佢驚D學生應付唔到先要睇埋英文成績咋嘛，所以你盡力而為考好D英文同蜈學就得架啦，唔洗咁擔心既。 嘩~終於打完啦，打咗勁耐同打得好辛苦，以上都係我自己的個人經驗，希望真係可以幫到你啦！P.S.記住努力考好今年的試，希望你下年入到自己心儀的科目啦！加油加油 ~ ~ 大家一齊加油啦(我都要加加油準備進入開始慢慢變態同會致命的三年新高中)

2011-11-18 23:36:03 補充：
我有一句寫「但係你話大個想做建設地政果類我就覺得唔係幾好」驚你誤會咗，我唔係話你做建設地政果類唔係幾好，而係話選組合科學+地理咁樣選唔係幾好，因為你大個想做建設地政果類但係組合科學就讀少咗D物理就係咁，唔好意思我講得唔係咁清楚....

2011-11-18 23:43:54 補充：
再補充一D嘢唔記得講！提醒你唔好以為只係M1要背數式而M2唔洗，M2都大把數式要你背(當然同M1 D式唔同啦)，不過分別在於M1的數式做數的時候可以直接代落去，M2的題目就會間接D轉一轉彎(唔係幾識講)，但係都唔好以為M1易，總之M1M2都咁難，只係讀既嘢唔同(範疇)，你讀咗就知咩事....

2011-11-18 23:50:27 補充：
打錯字，應該係「所以你盡力而為考好D英文同數學就得架啦」，唔好意思！