中化,UE同純數補邊一間補習社較好

中化UE唔合格，你語文底應該比較差。

中化唔建議補習，問人借notes自己睇同出去補冇咩分別(自己試過)。
UE補遵理Edward Fung，因為佢補你grammar底夠哂，而且佢會tip作文，上年前年都中過。
Pure Maths補遵理Oscar Tam，呢個真係掂，想攞A攞E既人補佢都有用。

你係補就快，依家11月中，一來補習開班已有兩個半月，二來你已經冇咁多時間溫。

其實小弟今年都有retake&補呢兩科，因為UE中化同你一樣...抄左。初頭有補過其他，不過只有Edward Fung同Oscar Tam係最好，因為教既野最實用，其他出名D既反而冇佢地咁好，真係哂曬我D錢。

切記：其他你可以唔聽我講，但你想PURE考得好(C or above)一定要補Oscar。

2011-11-17 13:46:09 補充：
其實我都驚你對PURE既認識真係太基本，所以想再講多少少。
首先PURE除左基本問題，好多都係證明題。證明題好多時要用到MI或反證法，所以呢兩個你一定要識。例如佢要你證明A唔等如B，咁你可以用反證法：假設A=B，然後推論出一個冇可能/矛盾既結論，咁你就等如證左A唔等如B。至於MI，你自己睇會好D。
另外PURE好講邏輯，你要識分咩叫若且唯若(if and only if)，咩叫若(if)，咩叫唯若(only if)。A if and only if B意思係，A可以推論出B，B亦可以推論出A。A if B意思係，B可以推論出A。A only if B意思係，A可以推論出B。

2011-11-17 13:47:18 補充：
切記：遇到證明題，先考慮反證法和MI，因為呢兩個都係最易去證明命題既方法。

2011-11-17 13:59:58 補充：
PURE年年都考好多類似既題目，尤其Section A，所以呢part係可以操到熟哂。至於Section B，佢每年Section B第一條都係考同一樣野，例如卷一第一條必考systems of linear equations，卷二第一條必考curve sketching。
每份卷滿分100，如果你Section A操到攞滿分(40)，Section B第一條又操到滿分(15)，你就已經有55分。

2011-11-17 14:02:39 補充：
小弟唔清楚你目標拿咩grade，但時間緊逼，最明智既做法一定係先針對section A同section B既第1條去操。人地個D傻仔就先同你溫哂全部topic才做past paper，但最後發現自己好多都唔記得哂！樓主千萬不要做他們其中一個..

2011-11-17 14:04:33 補充：
http://hk.knowledge.yahoo.com/question/question?qid=7006083101339
考PURE必睇。

2011-11-25 00:38:55 補充：
擴音器:

sor, 之前唔識睇意見個欄。

我非常好奇你依家溫成點and點解你依家先問補邊個...

我個人覺得中化ue由不合格到合格係幾難，所以我想講下中化同ue先。

UE最緊要practical skills，我見過有幾個case都係FEFFE->E(practical skills E)，可見practical skills有幾重要，所以呢份卷一定要補。我覺得補邊一度都冇所謂，最緊要學到野就得！我自問補Edward Fung就學到好多野!

中化方面，你驚問人借notes都唔掂既話，就補實用文同文化，因為有45%。其他都好睇運or好難進步好多。

2011-11-25 01:05:40 補充：
為何針對嗰2 part的頭嗰題來做呢?

你千萬不要get錯-0-，我只係強調一定要操練，因為每年呢兩題都好相似，係必答題。相比起操其他題目亦會較易，亦較有著數，因為你唔使點明個課已經做到。其他題目如座標幾何，每年short question一題, long question一題，但你要識做呢兩題就要操好多類型既題目......所以從效率角度上，一定唔會溫呢個先。

複數呢課，都係睇完再做既姐...(其實每課都係)
唔識做既，咪睇答案囉，我自己都係咁
但講真，你連睇都有唔明就真係要溫人教一教，因為你要拿C！
我聽oscar講，大部分補佢既都有C或以上。
所以我都要勸你補佢。

2011-11-25 01:06:42 補充：
純數唔係就咁睇，係要做。
我純數考得麻麻地都係因為做得唔夠多，而且做一啲唔做一啲。
希望你不要重滔我既覆轍，加油啦~

2011-11-25 22:27:24 補充：
擴音器：

老老實實，千萬唔好向我請教UE同中化進步既方法，因為我真係考得好差，唔想誤人子弟...但還可以助你分析一下！

首先la, 你話依家讀緊high dip。 老老實實, 我唔係好清楚high dip英文堂係讀咩，但UE考你既野你覺得high dip既英文堂有冇教到你？有冇教你點做practical skills?Practical skills考好多野就算識英文都未必答到，除非你好聰明，知道哂D skills，例如generalization已係其中一個SKILL，你唔識呢個SKILL已經冇左十幾分(有年佔十幾分)。

2011-11-25 22:37:21 補充：
我唔清楚你識唔識呢D SKILLS，我唯一幫到你既就係勸你補同我同一個補習老師，去學呢D SKILLS。因為UE搏唔過...

至於文化題，我補過一個遵理既「萬人之師」。但之後都冇再補，因為發現佢都係講番本野入面啲內容；而且我亦有幾個朋友補過英皇某「萬人之師」，都係同一個結論。所以若然係咁，我問人借唔好？點解要哂$呢？
BTW, 其實遵理有個中化老師(任仲恩)係幾好，我係日校比佢教過，上佢堂係真係學到好多野，但係出面冇人補佢，收生唔夠，所以佢既班就取消哂。T^T

其實你中化UE似乎真係差少少就合格，我覺得你真係要捨得去補習，起碼有少少保證，無謂哂多一年。

2011-11-26 19:39:23 補充：
嗯...雖然唔知你咩原因唔想補習，但我個人會覺得唔補UE盞死多獲，祝你好運...

BTW, 我repeat後係第一次補習, 人生第一次, 我本來係極之抗拒，但真係好過學校老師，冇計。

2011-11-26 19:44:20 補充：
琴日打唔到咁多意見，依家講埋PURE先。

complex number同座標幾何，呢兩個TOPIC比起其他算係麻煩少少，但唔會難到睇唔明，我覺得你只要肯睇，應該冇野會唔明。唔明都可以係YAHOO知識+用匿名發問既姐，唔使驚LA，都係個句，最緊要比心機！就算唔明，做到咪得囉，拎到分咪得囉，你又唔係要做數學家，岩唔岩先，拿A個啲都係咁架咋...因為冇時間比你明！

2011-12-02 01:23:14 補充：
其他補習社D質素我唔太清楚，因為真係冇補過，SOR！
總之，希望你冇揀錯啦，加油！

我中英文要求唔多,只求合格就得
而純數,我就想個成績同數統一樣,都係C

2011-11-20 23:41:31 補充：
同埋點解係要針對嗰2 part的頭嗰題來做呢?咁會有乜野的工效架?

其實我中6同中7嗰陣時都已經買過純數書架!到而家基本上第1本書的大部分課的原理都幾明
但係第2同第3本書講嗰d就開始有一d問題啦!特別係第3本,佢嗰課解析幾何嗰課的圓錐曲線特別唔明,聽講好似呢度都考得幾多個喎!咁有乜野辨法呢?仲有,第1本書的複數呢課我以前少見,佢講的內容我都唔係好理解得好,咁點做呢!

2011-11-25 12:25:52 補充：
oscer我去過啦!不過佢的班都已經爆哂啦!
純數基本上除左幾何同複數嗰2課之外,其他都温哂啦!
無辦法的話,我可能會返番學校問老師

英文其實我而家讀的high dip 都有英文堂,唔知有無效架?

之前幾過月我都好唔得閒,又要功課又要測驗,所以到而家先有時間去搞呢d野

UE我上年係FFEEF,唔知點解個個都話我作文太過天馬行空,唔知有乜方法改善呢?
中化我上年係DEFFU,如果唔係文化嗰分攞U,我都可能合格,所以我最需要改文化嗰度

2011-11-26 02:59:26 補充：
high dip 的英文而家只係教writing,同埋都係比較基本的野,好似格息,點樣比料個題目咁,聽講下個學期會教speaking

希望可助你，您要努力加油呀! 我親自補習. UE, 純數 OK!我香港大學教育學院，中文大學電腦，商業雙碩士．可提供學歷證明．
數理科．中英語會考及高考A級．
現任英語及數理科教師．10多年補習經驗．熟識三三四學制．誠意親自為全港各區中小學生及成人作優質上門或小組補習，價廉．下列小組由我親自主理：
中英數專科，理，商科會考高考小組．另提供補習服務：
球類，游泳訓練／教授鋼琴／各種外語／電腦如有任何查詢，請致電6886 9468

2011-11-17 13:09:53 補充：
希望可助你，您要努力加油呀! 我親自補習. UE, 純數 OK!

我香港大學教育學院，中文大學電腦，商業雙碩士．可提供學歷證明．
數理科．中英語會考及高考A級．
現任英語及數理科教師．10多年補習經驗．熟識三三四學制．

誠意親自為全港各區中小學生及成人作優質上門或小組補習，價廉．

下列小組由我親自主理：
中英數專科，理，商科會考高考小組．

另提供補習服務：
球類，游泳訓練／教授鋼琴／各種外語／電腦

如有任何查詢，請致電6886 9468

2011-11-17 13:10:19 補充：
中化OK!