✔ 最佳答案
你講出左個重點:面對面說話果時 只糸可以講到1,2句 ..
其實你地話自己怕羞,又唔可以咁講,只係唔識得點樣傾計.
你地可能只係顧住找話題,話題一講左出黎,就唔知道講乜野好,但其實傾計係唔需要話題.重點係比到反應.如果比唔到反應接唔到落去,dead air太多就會覺得局促,而即係你所講的怕羞....但在我來說,這不是怕羞,而只係無溝通.
我舉d無話題的對白,例如:你同佢食野,你問d野好唔好食呀....就以食呢個話題亦都可以發大黎講,你平時鍾意食d乜呀....我曾經食過xxx好好食呀...我覺得xxx好難食.....同時亦都增加左對大家彼此的了解....不如下次我地食xxx丫...一陣去邊呀?...去睇戲丫?...去邊間戲院睇呀?....睇乜野戲呀?...你想座中間定側邊位呀?...你平時多唔多睇戲呀?....我多數上網睇...上邊個網睇呀?....
要講,真係多到講唔晒,點會只講到1,2句?...放鬆d心情,你要記住一樣野,少d dead air大家先會自然,大家先可以發展落去.....否則長此下去,其中一方可能會諗:同佢一齊好似無乜野講,唔通唔夾?....咁就可以係一個分手的理由了......你都唔想變成咁,係咪?....所以呢,無無聊聊乜都要講一餐.