拍攝走光相 係咪犯法

好多人以為用手提電話影人裙底就係犯法, 而用專業相機公然影人走光就無犯法. 其實係謬誤嚟嘅.
其實以上兩項都可以被控告 "有違公德行為罪 (outraging public decency)". 呢條普通法法例函蓋好廣, 內容大意係任何人在公眾地方, 或私人地方而公眾有機會睇到嘅, 作出一d淫猥、討厭、令人嫌惡及反感嘅行為, 就係犯法.
睇字面都知啦, "淫猥、討厭、令人嫌惡及反感" 可以包括好多嘢. 你喺公眾地方露出下體, 當然係淫猥, 但如果你好似前幾日果個中學雞咁, 喺巴士攞件褸遮住嚟自慰, 雖然睇唔到d乜, 但其行為亦係令人嫌惡及反感, 所以一樣犯法.
同樣道理, 鬼鬼鼠鼠伸部手機影人裙底固然犯法, 用專業相機公然影人走光亦算令人討厭、反感, 所以一樣犯法, 最高可判監7年.

梗係唔好，因為只要令任何人產生不安，就有機會被控告游蕩罪，如罪成有機會被判坐監，又有案底，又何必呢﹗