胃痛 招好心人幫下手 唔好copy

純粹個人經驗

(身體上任何問題應該睇西醫好啲, 有咩事中醫都唔會幫你做手術, 況且你都食過中藥都唔太見效, 正經睇完普通西醫, 寫封信比你去政府醫院掛期照下胃鏡, 政府係耐啲, 但你都話痛左幾年, 唔怕等多一,二年喇, 排到你係政府睇之餘, 而家政府好左好多, 當發現有其他問題都會幫你CHECK埋, 收費平過私家醫院好多好多,你要等時間, 始終用政府服務既人太多, 要等下正常)

講番正題, 我以前晚上會返學, 當個晚冇食野, 個晚就會有好似你個啲徵狀, 一個字死忍, 但係回家食左野又會好些, 有時候可能會真係有得屙. 相反個晚有食下野就冇咁辛苦. 好喇而家不用返夜學就冇左上述情況.

另外, 經驗話比我聽, 不理你肚痛/胃痛都應該對証下藥, 而且咁多年, 起碼快啲去專科照下, 你唔等政府, 出面都有好多, 收費都唔算貴 3-5千蚊, 都可照一次胃鏡/或腸鏡/或超聲波照下個膽 (膽 : 原來都會影響你腸胃, 詳細你上網SEARCH 有好多.

所以引起上下腹痛原因實在有好多, 你找個了解你既家庭醫生, 檢查再安排寫紙你去排期有好, 轉介去私人檢驗中心又好, 都不要亂估或上網等人解答你.

正所謂 : 病向淺中醫, 不是叫你看中醫, 是在病情不嚴重時醫治呀!

照你的描述,似乎都分不出是胃痛還是肚痛。胃的位置在胸骨之下而肚的位置則在肚臍;若果是前者應該屬於胃而後者則屬於肚。所以你可以自己用感覺來測知是胃痛,還是十二指腸痛了。根據本人過去的經驗,腸胃病是由於酸度高及神經緊張所導致;除了要按時服藥外還需選擇飲食的種類,分量和時間。最好能夠診所請教西醫有關治療方法。否則必須自己小心調理身體;1)食物; 以容易消化和含豐富纖維素及酸鹼度中性為準;並且以小食多餐為主;2)運動;每天最少進行體操或步行一小時;3)成藥;以本人經驗,認為日本出產的新表飛鳴(即乳酸菌製劑),及胃仙U(即維仙優)對於腸胃病有特別功效。前者是對腸的功能有調節作用,而後者對胃及十二指腸的病患亦有治療的效果。若果你感覺消化不良,亦可試用日本出產的三層夾心消化片(Magesto)。最後希望你能考慮和採納本人的意見,使到病患能早日痊癒,脫離痛苦煥然一新。