三人行好唔開心

我本身有一個好fd既fd叫阿y,我同佢感情好好,成日小息食飯都一齊,但係就唔同班 到今年開學 我地又係唔同班,佢就同左另外一個我熟但係佢唔多識既fd,阿j一班 我開頭食飯會過去佢地班房搵佢地食 但係唔知點解慢慢阿j就同左我同阿y一齊小息 我覺得好唔開心 我feel到佢地感情越黎越好,我同阿y就越黎越生疏 好似陌生左,有少少距離感 我本身同阿y係一齊番學放學一齊小息,當中有好多交流既機會 依家因為小息多左阿j 變左我同阿y冇咁多機會講野,我擔心阿j會取替左我既位置同阿y fd 佢地平時又寫信係課室又係坐隔離 雖然我都會同阿y寫,但係我覺得佢地寫信會有好多秘密瞞住我咁 佢地有時又會行得好快,唔記得左我 好似之前學校旅行,佢地成日都一齊行動,行得好快,我就自己一個要追佢地 同埋我係feel到阿j唔想我同阿y fd,我覺得佢見到我同阿y搞到唔開心既時候佢會好開心 我成日都驚佢地感情越黎越好 我唔想冇左阿y呢個好朋友 我同阿y單獨一齊既時候我會同佢坦白我既感受,佢都會聽 但我覺得佢聽完就算,淨係叫我唔好咁,叫我體諒下佢 又話唔想見到阿j唔開心,但係就唔諗下我既感受 我同過佢講我唔想同阿j小息,佢叫我接受,話如果唔同阿j,阿j會知乜事,會好sad 但係佢有冇諗過其實我都會好sad? 我好似係度要強顏歡笑咁,一到小息叫到佢地成日一齊 傾計傾得好開心,我就唔開心 我好抗拒三人行,因為一定會冷落到一個 依家我覺得好似係用我既唔開心換黎阿j既開心,我覺得好唔公平 可唔可以教下我應該點做??我會同阿y講我既感受,但次次佢都會好似好唔耐煩咁,搞到我都唔想同佢講 以前我對住阿y 唔會覺得有咩問題 依家對住佢,就好似好陌生咁 覺得佢同我好疏遠 我可以點補救呢段友誼?我依家成日因為佢而同阿y搞到好唔開心!希望有人教我點做!唔該哂!