新手養狗要注意的問題

新手養狗第一要考慮是否有足夠既能力/精力負擔狗狗既需要.
自問ok的話接下來要考慮品種的大概性格/體型, 挑選比較適合自己的.
若是狗bb返黎, 要杜蟲, 預防針o係2個月,3個月, 4個月時各一針, 5個月大時必須打瘋狗症針申請狗牌, 做心絲蟲預防, 每月用防蝨滴劑.
挑選合適的狗糧, 長備乾淨既水, 最好做到每日去下街街, 運動下, 確保身心舒暢.

其他問題, 歡迎登入www.honeypethk.com

1. 養狗前最好諗下自己既生活習慣同環境, 再睇下有咩狗岩你養.... 如果你住新界地區有好大地方既, 可以養大型既狗, 唐狗會係最易養. 但係要肯定自己養狗係真心鍾意翜地, 唔係只係因為佢地可愛... 因為任何BB狗都是可愛的, 但當你養夠一年, 佢地大隻曬就唔係當初果個架喇~~ 如果你教得唔好, 仲會有好多壞習慣, 好似周圍便便, 咬人, 亂吠, 一出街就係咁向前衝... 正如一個小朋友一出細無父母, 第時大個左都唔知做d咩先為拍正確... 所以養狗係一件勞心烤力既事, 你要付出好多好多時間, 唔怕污遭, 同有十萬個愛心.... 你可以去圖書館/書局睇下有關養狗既書, 有d什至係focus o係一種狗度講, 你可以睇左了解左再考慮都未遲, 因為呢個係一生既責任, 狗仔average都會有10幾歲命, 你要擔保就算你第時生仔, 移民, 搬屋, 旅行... 都可以照顧到呢條小生命~



老實講唐狗係最易養既, 但係就唔係個個人鍾意~ 如果你屋企養到大型狗, 金毛尋回犬係一個唔錯既choice~ 但如果係住o係d地方below 1000尺都係養d細-中型狗好喇~~ eg. 八哥(唔會成日吠, 但係佢地呼吸唔係幾好, 熱天會幾辛苦,最好開冷氣), 曲架都係一個唔錯既choice~



2. 養狗需要既錢真係唔少.... 唔病都仲好(狗老左同人一樣, 會有糖尿, cancer, 皮膚病, 失禁, 骨骼有問題, 脾氣轉差等) 因為一睇下醫生分分鐘千千聲...

如果由你買開始計, 就會係咁:

買狗 $6000起

狗糧 $100-$150/5lb

買食隻既dull+水樽+床仔+小小零食+狗帶+玩具+牙癢時會咬既骨頭 $400

去驗心絲蟲 $250 (有d要另加診金)

打預防針(每年一次) $250

瘋狗針 有免費/收費

心絲蟲藥 $190/6粒 (可以食到6個月) / 打心絲蟲針

Frontline(防蚤) $220/3支 (可以用到3個月)

杜蟲藥 $20/粒 (3個月一次)

你對隻狗既生活愈講究, 洗既$$ 自然多, 但係我以上所講既只係基本野....



3. 每年打一次預防針嘛~~ 多謝$250

仲有3年一次既瘋狗針+續狗牌, 不過呢d如果去政府地方可以唔洗$$做~



如果你唔sure你想要d咩狗, 最好去睇下書先, 因為養狗同玩狗係唔同, 你會見到佢地真實既一面.... 周地去屎屘尿尿你要去清潔, 成日做家務吸塵拖地, 同佢散步, 教佢, 同佢玩..... 時間真係會無曬架.... 我建議你可以去HKDR or SPCA做下義工, 試下做下散步&餵食呢d野先, 如果你可以keep住做一段時間, 你自己會了解自己需要d咩~