小貓因搬進新居而不肯飲食,求有經濟者幫忙

我家有兩貓，我有一隻貓性格同你嗰隻一模一樣。
要知貓咪點解咁做，必先了解貓咪先得。
貓轉新環境，要時間適應，而適應時間長短，每一隻貓都唔同。有啲貓可以唔使關入籠，周圍行已經適應哂新環境，有啲關一兩日，甚至有啲要一星期，視呼你貓咪個情況。
好多新貓返新屋企，都要關入籠一段時間，作用係等佢快適應新環境。
你搬咗屋，等於好似新貓返新屋企咁，如果係貓咪係細膽的話，就必要關入籠，因為細膽貓咪去到新環境就只會＂哩＂埋，唔會出嚟視察新屋環境。
你要將貓咪關入籠，入面有足夠地方擺放床或毛巾，水，糧同砂盤，而有一半籠要用毛巾或紙皮遮掩，等佢有得＂哩＂埋，整個籠放於廳中，等佢可以望到你哋行過而佢又有紙皮遮掩＂哩＂埋。若幾日後，你可以晚上打開個籠門，等佢自己出入，到第二日早上又關入籠，過幾日都係咁做，之後就早晚都長開籠門，等佢自己出入，正常貓咪都會出嚟，但驚就會走反入籠。你唔好收籠住，再等佢適應吓先，視呼情況先收埋個籠，但佢入面張床/毛巾就要留反比佢，因為有佢陣味！等佢覺得安心啲！

你都識講你家貓咪第一次返屋企都＂哩＂埋啦！何況而家仲有陌生人喺屋企！佢更加唔會出嚟！

你朋友意見原全唔可行: -
1) 貓一驚係唔會食嘢，只會＂哩＂埋，貓唔食嘢唔飲水2-3日都唔會有事，但你必先要做啲嘢！唔可以長期比佢咁樣！你可以由房入面開始先。如果你姨媽喺屋企，你可以關埋房門，只有貓咪同你共處一室，早晚比少少濕糧，又或者同佢梳吓毛，佢一路食，你一路摸佢同佢講嘢，你必先同佢建立信心先！
2) 睇醫生無用，因為始終係貓咪性格同心理問題，睇醫生只係有病先睇，你家貓咪唔係有病！！！！！

我隻細膽仔，同你家貓咪一樣，我屋企得我同我老公，養咗佢已經差唔多一年，我隻細膽仔到而家都好驚我老公，唔比佢摸，唔比佢抱，永遠都＂哩＂埋！佢只係會比我抱比我摸，主動嗲我！自從佢返屋企後我晚晚都會關埋房門，比濕糧佢，同佢梳毛，傾吓心事！到而家我都會唔變，見佢咁嗲我咁信我，都係值得嘅！

希望我個經驗幫到你！

方法一：你將食物同水放係佢身邊，因為佢可能願意係冇人既情況之下食野　（就算床污穢亦唔好介意）

方法二：關房門等佢自己一隻冷靜下，慢慢了解環境

方法三：買Ｄ貓草或者木天蔘畀佢等佢放鬆Ｄ，其實有Ｄ噴霧係可能令貓貓放鬆Ｄ，但係唔係好多地方冇得賣

方法四：將Ｄ佢鍾意既玩具（最好係有好多佢自己Ｄ氣味既公仔）放係佢身邊令佢安心Ｄ（如果冇，就放有主人氣味既衫就毛巾）

方法五：慢慢摸下佢，同佢傾計（需要好長時間先會見效）

方法六：強行餵食，唔得就睇醫生（本人建議最後先用既方法）

你可以望住佢對眼，之後再對住佢慢慢咁眨眼，要慢。呢個動作對貓黎講係代表親吻，可以令貓放鬆同埋信任你。之後你再接近下佢，摸下佢，令佢放心。之後可以再試下比佢進食，其實強行逼佢食唔係咁好，咁樣貓貓可能會對你有一個唔好既印象。

2011-11-09 19:31:28 補充：
如果貓有回應(姐係對你眨番眼)你，就代表你成功左啦，如果佢冇回應你，就試下眨多幾次。如果真係唔得就同佢傾下計，但係係傾既其間要絕對地有信心令佢放心，否則隻貓就會感受唔到你想同佢表達既野同埋會變得煩躁。