我仔仔出現聽障問題

會唔會係聽解能力出問題?

我都有同樣的經歷, 由小至大, 聽嘢都好唔清楚, 而且有一邊耳聽嘢的聲音明顯很細, 並且在D嘈雜既地方無法明白別人說什麼, 只係聽到有人口嗱嗱, 可惜由於當時家貧, 所以沒有理會, 到了快要考中五會考那年, 因為英文科的聽力試卷成績差勁, 才想到求醫, 可惜的是, 做了聽力測驗後, 竟被判定為正常稍弱, 但不必醫治. 自始之後, 我的英文科試卷當然仍是長期肥佬啦, 一直到預料都係咁, 後來由於英文科聽和講都肥佬, 入唔到大學, 於是唯有另擇途徑, 由高級文憑讀上去, 雖然最後都攞到個電腦學位, 但係入到社會, 問題再度出現, 我經常誤解上司, 同事和客戶所說事情, 結果俾人炒完一次又一次, 又經常不能明白女友的說話, 失戀數次, 一直捱到三十二歲時, 再俾人炒多一次, 自此之後, 我終於患上極嚴重焦慮症, 無法工作, 進到政府精神科門診求醫, 結果得出以下結果:

(1) 對聲音的解讀分辨能力, 原來早已受損:

0-2歲時因屋企太近啟德機場, 經常被超過100分貝的飛機降落白噪音影響, 由於0-2歲剛巧是聽解腦神經發展的重要階段, 結果被多頻噪音嚴重影響腦神經對分辨聲音的能力, 即是說, 我聽得到各種頻度的聲音, 但是分辨聲音的能力卻不及正常人, 這就解釋了為何聲音聽力測驗測不出問題來, 但是實際我又聽唔明人地講乜.

(2) 注意力缺失過度活躍症

我小學及初中時患過注意力缺失過度活躍症, 脾氣好差 , 正因如此, 老師們一直當我頑皮, 冇當過我有缺憾, 而我父母就有輕微的自閉症, 固不能發現我的問題, 但到了成人階段, 這種病自動痊瘉了.

(3) 高功能自閉症影響聽解能力

我原來早在出世時已患有高功能自閉症, 智商雖達130, 即是一般碩士生的水平, 但是自閉症令我的腦無法解讀別人的情緒, 動機, 暗示, 言下之意, 並本身失去了100%交友能力, 和80%人類情感, 由於再加上自閉症伴隨着聽解語言的問題(一般自閉症患者聽解能力會有問題, 即係聽到, 但係解唔明人地講乜), 所以我無法在正常人中間順利溝通和工作. 由於我小時候正是七十至八十年代, 這時候, 世界上並未知道有高功能自閉症這種病, 所以我失去了得到醫治的時機(即8歲以下), 預計將會終身不治.

(4) 最後, 由於我有自閉症的手腳協調問題, 加上我在社會工作時極不順利, 而患上了後天才發生的嚴重焦慮症, 醫生判定我100%失去工作能力, 現正輪候疪護工場, 暫以傷殘津貼過活.

所以, 其實你仔仔不一定是聽聲音有問題, 尤其已經做過聽力測驗而被判定正常的, 有可能是聽解問題, 即係好似我咁, 聽到別人口嗱嗱, 但係個腦對分析該聲音的意義有障礙, 至於是否因為自閉症, 語言障礙, 還是其他原因, 就一定要找有關的醫生求診, 例如: 精神科醫生, 如果發現問題和醫治的時間一再拖延, 就會好像我一樣, 終身殘障喇.

祝你和仔仔好運順利