我想養貓,但有d問題=]

１）貓一定會跳高，你係唔可能避免，除非你唔好養貓！若你唔想貓貓整爛屋企擺設，你只好將物品放入玻璃飾櫃！
２）養貓基本要貓砂盆，梳，指甲夾，貓袋（方便出街打針睇醫生），籠（新貓適應環境，可問人借，用大約一星期左右）貓糧兜，貓水兜，貓糧，磨抓版等。。。其餘貓玩具可後置。
３）海怡半島無得申請養動物，因為所以大廈都係依足大廈公契。若公契講明不得飼養動物，咁即係貓狗都唔得！但有啲只會係規範於犬類，要睇你大廈嘅公契點講！不過養貓因為騷擾唔到人，所以好多都唔會投訴！
４）就算貓貓唔抓梳化，當佢哋喺上梳化玩或活動時，雙腳一跳，梳化都會有抓印！無可避免，我張梳化正是這樣！
５）有窗花都唔得，因為貓貓唔會人類膀頭條橫骨，貓頭伸到出去嘅地方，個身一定穿得過，必須要同窗網，我見唔少貓跳樓例子，就算幾乖嘅貓都會有呢個情況發生！要用穩陣堅固嘅窗網，請你為貓貓著想一吓！
６）好多貓都識自己用砂盆，砂盆位置唔好變，若真係唔識去，就要用籠教！將佢關籠，入面放入砂盤，水，糧，床，貓一定會喺砂盤上大小，一兩日後將砂盤取出，繼續關籠，定時開籠抱佢出嚟直接放入砂盤內，有尿尿的就會去尿尿後先出嚟玩！如是者幾日，之後長開籠門等佢自由出入去砂盤，如果都係唔識去就要繼續關籠，如果識去得話就可以收埋個籠！

養寵物一定要有心機，唔好打，要教！！必先了解貓貓點解會咁做，好多時佢哋整爛主人啲嘢，十多奇九都係主人無手尾！

雷尊達94350406全屋做晒窗網只要2000
窗網張91972093

若果你隻貓有超過12磅體重它的爪掛搖磁力蚊網 , 咁普通磁力蚊網其實唔夠力去承受隻貓重量. 生產商通常每只窗網都係用兩粒磁石，得上下各一粒。你可以要求佢在窗網中間2邊加多粒磁石，即總共4粒磁石。

2011-11-16 21:08:24 補充：
養貓新手須知 http://www.hkcats.org/phpBB2/viewtopic.php?t=12951

1. 貓貓係一定會跳, 呢個係佢地既本能黎, 即係你無可能唔俾魚游水, 係咪? 你可以避免放d危險既野係高處。另外你可以養一d無咁活躍既貓貓品種, 有d係唔太好動既。

2. 養貓最基本要有佢訓既床(如果唔買寵物床就要俾佢訓厚毛巾), 貓砂, 貓砂盆(貓廁所), 貓糧(如果未戒奶就要預備奶粉同針筒或者奶樽), 糧盤, 貓指甲鉗, 寵物梳, 最好有埋抓板俾佢, 其他玩具或者用具可以睇需要才決定

3. 海怡半島,是長實集團的大型的屋苑, 是不容許飼養寵物的, 不過只指明不可飼養犬隻寵物, 所以貓應該沒問題。其實貓並不需要出外, 亦不會吠叫, 因此不會造成騷擾, 大多住宅區都可接受貓作為寵物的。

4. 你要教牠不要抓sofa, 不過最好還是提供貓抓板讓貓貓抓過夠, 再多與牠玩耍牠就不理會你張sofa啦。我家貓貓每次都忙住玩玩具, 玩完就黏住人玩, 都唔會抓sofa。

5. 其實係加窗花, 或者整個d防蚊窗都得

6. 其實大部份貓貓天生就識, 如果你要教佢你可以見到佢就要去廁所既時候放佢去貓砂到, 佢自己會去ga喇, 試多幾次佢就識啦, 之後佢都會係番個到去廁所, 其他地方唔會去