✔ 最佳答案
希特勒係1940年9月至11月既不列顛之戰(Battle of Britain)，即係英倫海峽空戰輸到貼地，面對強大既英國海軍及本土空軍，納粹既登陸兵力根本無任何生存既機會。就算奇蹟地係無制空權既情況下登陸成功，納粹都一定係絕對劣勢下快速係橋研堡被滅，至少裝甲部隊一定被重創，呢啲係德國絕對無法承受既損失，希特勒並不傻，係登陸作戰幾乎一定無望既情況下，唔發動侵英作戰係正確既決定。
2011-11-06 21:27:29 補充：
希特勒唔可以集中兵力打北非及中東，因為兵力太分散。德國實力本來唔夠真係咁強，佢可以砌低法國已經係奇蹟。但希特勒貪勝不知輸，係都要打蘇聯，佢一做呢決定就注定德國無可能全勝，最多係有限勝利。因為蘇聯本身都想西侵，德國同佢開戰等如比藉口蘇聯入侵中歐，以蘇德兩國國力之懸殊，德國拼盡全力可以係維斯杜拉河擋住蘇聯已經係最好既結果，要贏根本無可能。
2011-11-06 21:32:02 補充：
當然，蘇德戰爭早期德軍既表現極難致信，已經係匪夷所思既地步，到依家我都想像唔到蘇軍點解可以無能成咁，可以6個月內損失超過50個裝甲師！但蘇聯畢竟太大，德國既國力相比起來太過貧弱，只要兩國打既係總體戰，德國必輸，最多都只能係德國國力被耗盡後迫使蘇聯主動離開戰爭，好似一戰既俄國一樣。
2011-11-06 21:39:47 補充：
其實有無盟軍納粹都注定被滅，因為後期既蘇軍太強。盟軍要去到1944年6月先至開闢到第二主戰場(北非及意大利唔算主要戰線)，當時蘇軍已經有實力殲滅整個德國中央集團軍，即係話德軍係東線已經全線崩潰，實際上有無西方盟軍既協助納粹都會滅亡，只係唔知戰爭會否拖到1945年尾。
2011-11-06 22:01:21 補充：
德國根本唔可以向蘇聯開戰，當時全歐智慧正常既政客都應該合作全力防禦蘇聯西侵，要記住蘇聯係1920年已經試過入侵歐洲，只係比波蘭打敗，然後係1940年亦打過芬蘭，之前又侵略波羅的海三國，蘇聯先至係歐洲最危險既潛在敵人，納粹打蘇聯只係邪惡基因作崇而已。
2011-11-06 22:07:36 補充：
希特勒打蘇聯只係呢個混世魔王及佢手下所有牛鬼蛇神既邪惡基因驅使佢地去做既下意識行為，根本無意義，毫無道理及邏輯可言。之前我係呢度講過，反共反俄反猶及賤視斯拉夫民族係納粹既基因，納粹一定要同蘇聯生死決鬥，因為正如人要飲水一樣，呢啲係納粹既生理需要，同國家利益無關。
2011-11-06 22:11:40 補充：
瘋狂病態地無限擴張及暴虐所有非亞利安人係納粹既另一個基因。即使唔打蘇聯，納粹遲早會係其他地方擴張，到時又係迫到全球所有強國一定要消滅納粹，蘇聯要入侵歐洲，當然會參加埋聯軍打德國，情形會同史實差不多。
2011-11-07 21:41:35 補充：
小弟認為唔可以將納粹比諭為傳統既德國。只有德國陸軍先可以代表由普魯士傳承下來既傳統。普魯士既成功除左腓德烈及老毛奇既軍事成功之外，仲要有作為政治領袖既腓德烈及俾斯麥既政治手腕及外交手段先至攪得店。值得注意既係腓德烈及俾斯麥並非純軍人，佢地辦事既方式並非納粹以變態意識形態為基礎既病態擴張，而係以普魯士既利益為依歸既結果。希特勒自稱十分崇拜腓德烈，但其實佢完全學唔到呢位天才既十分一。
