我將來想做太空研究,我應讀咩科?

先提醒樓主，香港基本上無條件發展專業天文學。因為香港缺乏專業天文必須既良好觀星地點及夠大既地方興建專業級既天文台。要真係入行，番大陸或者去美國係唯二選擇。

做天文學家當然要讀天文學。香港大學幾年前有個天文學學士課程，不過近年無晒聲氣，唔知摺左未，而其他大學肯定無。不過，所謂既天文學家都有分流，樓主想做以觀察為主既天文學家，定係研究理論為主既天文物理學家﹖如果係前者就要讀天文學，如果係後者就要讀物理學，而且要深造天文物理學。不過天文物理學近一百年既發展太過快，最重要既理論都已有深入既發展，好難有突破，如果想係香港發展天文物理學幾乎無可能有令人滿意既發展，而香港亦係呢方面既建樹亦非常少，據本人所知，香港各大學既物理系亦無專門研究天文物理學既範疇。都係嗰句，如果一定要做，唯有番大陸或去美國。

係香港，天文學從來都只係少數人既業餘興趣。天文教育亦同樣以天文普及為主，最多去到係大學既通識課程中加入天文課程。不過係唔係一定無野可以做呢﹖當然唔係，但樓主唔可以將成為專業天文學家成為職業，但做業餘天文家反而就有多啲野可以做，最好做既就係發現彗星或小行星。世界上好多既彗星或小行星都係由業餘天文愛好者發現，神級勁人如美國既Alan Hale 及 Thomas Bopp及日本既百武裕司甚至發現到人類史上其中兩粒最光既彗星，並用佢地既名命名，即係於1995年出現既海爾．博普彗星及1996年出現既百武彗星。樓主可以循呢啲方向去發展自己，但我建議樓主如果真係對天文有興趣，睇多幾本書充實自己先至最緊要。

即係叫你番大陸讀，或者去美讀；不過有極佳物理底子會好啲。