捉棋唔叻係咪代表我某方面的能力弱? 腦袋有問題?

我由細到大捉棋都好炸, 尤其係象棋到反映到, 捉親象棋都真係輸, 細過時輸過俾表弟, 到大d輸過俾個細路, 已經攪到我驚左呢種玩意。

捉象棋時, 我諗唔到下幾步點做, 有時個腦會諗, 如果我咁人地又會點呢, 根本會有好多個combination...點諗呀?

除左象棋, 好似玩波子棋呀, 一d智能手機的智力遊戲咁, 我係睇唔晒全局咁, 明明本身已經贏, 但對眼就總係睇唔到, 唔知點解??

咁代表d咩? 莫非係我個人諗野太短視, 唔識諗野?
我而家成20幾歲人, 職業方面都摸不著一個目標, 目標行業, 會否同我捉棋唔叻有關??
我好驚, 我唔想再係咁, 想改善..我唔想因為我唔識諗野而行錯路。但係咪又唔改唔得呢? 我用其他強項搭救到嗎????

我既強項係:
肯問人,找人幫忙, 人地眼中係和和善善唔克人憎哥種, 所以職場上都有唔少人願意同我分享意見。
但缺點是我係同事/新識的人眼中我係唔多說話, 冇乜刺激,給人一樣很正經很悶的感覺....呢方面亦影響我唔少的人事問題

係因為近年職場問題, 我所以懷疑係咪自己諗野哥方面有點問題.....