籃球小前鋒/大前鋒的問題

小朋友, 我睇你阿Sir係無咩錯, 佢都有考慮過你嘅條件先會咁講。
以你暫時嘅能力, 小前鋒係會比較適合, 但有一個因素就係-你有五尺七嘅高度。以你中二生C grade有五尺七, 唔算特別高但都算高個堆人, 我想你係跳唔高, 但如你企位好少少舉起手, 係 C grade 應該都攞到唔少籃板, 大前鋒個位你都可以幫到下手。
但缺點亦出現係呢到, 防守時, 以你目前嘅能力若遇到一個比較出色嘅小前鋒, 你就會麻煩 D, 攔截人唔到時又犯規多, 但你又暫時未有能力勝任大前鋒喎......
你阿Sir係應該亦有考慮埋, 你將來可能或會再長高, 到時小前鋒個位就唔會再啱你, 佢叫你揀可能係兩難, 揀小前鋒, 而家暫時得但將來未必適合要再轉位。揀大前鋒, 而家你未能應付但將來適合會較大。但將來你係咪會再高呢樣係無人可以保證, 所以佢先叫你兩個位都打下。
另外比人吹打手個下, 咁就真係好睇球證個角度睇到咩, 可能你自己係以為剩係舉手, 但如你舉起左隻手, 但個人繼續橫移, 咁個時就算你只係舉起隻手, 但如移動時舉起個隻手撞到人地射波個對手, 咁都係打手犯規個噃。你隻手應該盡量係對手隻手下面偷波, 同係佢隻手上面攔截射波, 而防守時雙手盡量唔好拍向對手, 咁犯規就會減少架啦。

點解樓主D3分咁勁既?ray allen 既3分命中率都係四十幾%炸渦。

我建議你兩個位都唔o岩打。
因為小前鋒既要有卓越的得分能力(你有),也要有不錯的籃版(你jump得唔夠高,比較矮小)。你跳得高,你就o岩做sf。
因為大前鋒活動範圍屬於籃下禁區,主管籃下防守及搶籃版球,需要非常強健的筋肉和體格(你話你冇乜體能)。你大個高左,練好體能,你就o岩做pf。







備:C grade 唔洗分位置啦,分工合作,有組織就得,同你老師建議下
B grade 先分都未遲。因為第一:每個人都未發育完,第二:打到愈久,才找到每個人的特點,而去分位置。

2011-11-06 22:35:55 補充：
你男定女。你係男先係我講既野。
你係女就只係o岩打sf。