我想問幾個關於打籃球既問題

1. 勤力係防守入邊最重要, 手唔好放低, 時常就好攔截嘅準備, 腳唔好企定, 時常爭取最有利嘅位置。
2. 其實遇到咁嘅人係最煩, 因佢剷入來時, 佢係無犯規, 但佢嘅動作之後就好易撞到人而又仲要吹人防守犯規添。防守呢種人有兩個方法比較有效, A. 唔好比佢攞到波, B.唔好比機會佢起步走籃。若果打比賽有球證的話, 咁你可以選擇企定係佢走籃條路線上, 硬食佢一兩嘢等球證吹佢帶波撞人, 之後球證就會特別注意佢, 咁佢就好快出場架啦, 但你企定嘅時間同動作要做得好, 咁球證先吹得到架。
3. 正常只可以同佢一齊跳跟住舉起隻手係佢個波前阻佢或影響佢射架咋, 好 D 嘅方法係唔好比機會佢射波。
4. 練多 D 單腳跳同衝前跳高掂籃球板呢兩個動作都有幫助, 但要注意初初練單腳跳時, 要小心受傷, 到時仲得不償失。