你如果係我, 你又會點?

我今年生左個BB, 出世後一直餵人奶, 本來相安冇事, 但BB滿月冇耐的一日7:00PM我係房餵緊奶, 點知我老爺門都唔敲就開我房門, (我補充一點~我同我老公之前同居3年先結婚生仔, 同居期間我老爺以往搵我都係喺門外講, 加上我老公都講過佢爸爸媽媽唔會隨便入我地間房, 所以我先冇鎖門, 方便我老公放工入房換衫) 我老爺開門見到咁GE情況, 竟然明知固問, 佢問我你餵緊奶呀? 我當時呆左都唔知講咩好就"嗯"左一聲, 跟住佢先講話差唔多食飯啦, 之後佢仲要等我應多佢一聲"嗯", 佢先關門出番去, 佢出番去之後我個心好唔舒服, 好想喊...
我覺得冇論我係房做緊咩都好啦, 就算我冇鎖門, 佢都應該敲門先囉, 好啦當佢一時唔記得, 咁點解佢開門見到咁GE情況, 仲要明知固問, 都唔立刻關門出番去呀?
我老爺事後見我唔高興, 仲大大聲咁講: 車~我又唔係有心睇佢GE, 之後仲唔知講左D咩就番房, (補充一點, 我老爺講客家話, 所以我聽唔到佢之後仲講左D咩) 但係我聽到佢講野D語氣同佢個句說話, 就已經知道佢少少唔好意思都冇啦, 仲要係我面前咁大聲講, 我覺得佢一D都唔理會他人感受, 即刻有種好討厭GE感覺
呢件事之後我好唔開心成日都想喊, 我變得好憎見到佢, 唔想同佢講野, 但如果佢開口問我野, 我都有應佢, 當然係一句起兩句止
之後過左一排, 我奶奶就叫我拎兩枝酒比老爺, 要我哄番佢開心
我心諗而家唔開心個個係我, 點解仲要我哄番佢喎, 我覺得她好自私, 只理佢地自己人GE感受, 佢地就要開心, 完全唔理我GE感受, 我覺得她的要求好過份, 我都冇要求佢道歉, 而家佢竟然要求我哄番佢, 我自問我冇可能大方成咁囉!
我而家日日仲要對住佢地, 我覺得個心好煩!
你如果係我, 你又會點?