鐘意左佢之後變得好自卑同唔開心. 應繼續嗎?

我鐘意左1個人, 佢係一個好優秀既人, 無論外貌學歷知識文化修養各方面都非常好, 而我只係一個咩都無又唔靚既普通人.

佢好NICE, 唔介意同任何人做朋友. 我當然去認識佢啦, 我一直欣賞佢既一切一切, 能夠埋到佢身邊覺得好開心.

但係唔知點解, 我越來越自卑, 好唔開心, 覺得自己好無用好廢, 又醜又唔吸引, 人品又差各樣各樣...我真係成日都好唔開心.

以前我係一個自由自在同好自我既人, 我鐘意乜野唔理人地點睇我. 好似頼有性格充信自信咁..我行我素.

例如情侶, 人地話鐘意一個人, 因為對方令到你很開心, 有存在感, 有喜悅感..令到你覺得人生有色彩有希望什麼什麼...所以你愛佢. 你既改變因為有佢等等...

但係我鐘意呢個人之後, 真係好自卑, 我覺得自己好似垃圾廢物咁, 有時我做錯左少少很輕微既事或者佢根本唔會在意既小事, 我都極度耐疚罵自己. 其實佢完全無比任何壓力我, 也沒有批評我什麼沒有罵過我, 從頭到尾我都係一直欣賞佢所有的.

我鐘意佢變得好自卑, 成日怪責自己, 成日悶悶不樂, 內心好唔開心覺得自己真係廢物, 我一點都比唔上佢. 同埋覺得自己好無用.什至連做佢既支持者都覺得影衰佢或者唔配, 我成日諗佢好憎我或唔鐘意我, 係因為佢個人大方得體先同我玩.. 其實佢唔會介意或者唔會理我的背景,因為都只係朋友階段.

我應唔應該繼續鐘意佢?? 我知道鐘唔鐘意佢我自已都空掣唔到.
攪到咁自卑, 係咪正常既愛情? 如繼續未來條路又會變成點?
大家教我應該點做, 我仍然係好鐘意佢唔想放棄,但我自己變得好自卑好似唔係太正常. 鐘意人應該是這樣的嗎?? 大家教我應該點做? 人地愛情係因為對方令到自己重燃生命, 而我因為對方令到自己無晒信心同埋開始幾憎自己.