去旅行要買喼呀??唔知去邊道買?

通街都有得賣，彌敦道就有幾間，仲有百貨公司，平唔平你自己搵，二手或者會平，做得生意，點會蝕俾你。硬喼唔怕壓爛，保護性高，但硬喼自身重，你拖又好拉又好，冇話慳力，內竉固定，不能擴展，雖然唔怕掟，但一掟就多數爛轆。軟喼就比較輕身，而且可大可小富有彈性。旅行喼嘅鎖係靠唔住，多數要自加多一兩個鎖頭，仲要繫上十字帶，以策安全。

平價... 可以到女人街或廟街等地方睇睇. 約 200 蚊便有一隻超大的旅行喼. 但質素的確是差一點的. 拉鍊位置亦不太可靠...
中價... 可以到日式百貨公司睇睇, 有 d 牌子如 Santa Barbara, Pierre Cardin 等都唔會太貴. 大約 500 - 600 蚊一個 25 吋左右的喼. 可四周轉動, 布質較好, 拉鍊位也比較可靠. 部份更有 3 - 5 年的保養. 另現在市面上有些超輕身喼, 只係大約 3 - 4kg 重, 大 size 價錢也只約 800 多, 可考慮
貴價... 可以考慮 Samsonite, Delsey 等名牌子. 價錢最少 1000 起步, 大多是 1600 - 2000 蚊. 質素最好. 但也是最貴... 如果一般旅行, 又沒需要買這麼貴的... 反正一年可能只用數次
超貴價... LV 等.. 浪費金錢而已
至於軟定硬, 就睇返你自己有咩需要. 如果你想型, 想 in 既, 咁你一定唔會買軟喼. 細細個的硬喼普遍來說都比較好睇. 但如果你購買了很多東西, 硬喼就可能會裝唔晒, 因為硬喼的體積不能改變, 係咁大, 就咁大了. 夾硬可以關上, 但亦可能損壞喼鎖. 加上硬喼太重... 閒閒地都 5 - 6kg, 變相帶少左行李.
如果你需要帶好多野既, 或買好多野, 軟喼就會好 D. 現時一般軟喼都係防水物料, 不用擔心這入水問題. 軟喼因為是布質, 可以撐大一點. 如果你識執喼, 同一 SIZE 的軟喼可裝多最少 20% 的東西. 有人認為軟喼個樣會冇咁好睇, 但現在部份品牌如 America Tourister 及 Antler 等設計已經非常吸引了.
另外不論軟硬, 買喼最緊要睇下隻喼是否實淨. 例如拉鍊位是否夠力, 扣位是否過薄, 喼的轆是否實淨, 線口, 駁口等等會否客易鬆開. 關好喼後有否空隙. 這些最為重要. 還有, 喼是否可以四面推動, 有沒有伸縮把手等等, 你也需要考慮