我冇咩夢想，最想做既野都係去另一個世界、時間。因為係呢到我搵唔到我想要既野，太真實既野真係唔岩我。
點解要翻學姐，如果我日日溫書溫得咁辛苦，得出黎既野卻係咁遙不可及，咩工作，咩成就，我覺得快樂咩？唔係既我係到做D咩姐。
我冇諗過去死，唔好話咩防止自殺。
我只係想知道，係科學既角度黎講，我，係到做緊咩。
其實人類諗到自己咁高等，其實如果我地睇真D我地既：
起床->翻學->放學->溫書->訓覺->起床->翻學->放學->溫書->訓覺
同蜜蜂既：
採蜜->返歸->再採蜜->返歸
有咩分別，我地人生既規律就係咁。得兩個字，係無聊Lor
最後問題都係生存既意義，請從唔同方面分析。
係啦，最後，唔好同我doG，我不嬲唔信。永恆既生命對我黎講同狗糞差唔多。
更新1:
TungKamlam： 我都會咁諗過。不過只係睇小說/相對論之類既書個時，係呢個世界值得我咁諗既野太少。我讀書日日開夜，為左既咪係成績好D。不過我一D都唔開心，亦都唔覺我第時會因為咁而開心。 不過我都係要讀書，呢樣野已經變左呢個世界既規則。 我唔會害任何人，但係我都唔可以係咁睇小說，動漫。
更新2:
其實我心情冇唔好過，只係唔算開心又唔算傷心。即使我唔開心都好快搵都方法解決，升學對我黎講都冇咩壓力。想讀咪開下夜，辛苦少少lo，唔想既咪訓覺lo，成績都唔會差好多。 我圍繞既問題都只係我諗唔到生存既意義。 我唔覺得我人生好失敗同埋傷心，只係無聊同無意義。 咁其實開心既定義係咩？如果你真係問我我只可以同你講，我一睇小說同動漫就會好開心。可能有說同fd吹下水都會開心d，但係佔既比例唔多。 上網同旅行係我唯一一樣令我覺得呢個世界仲有意義既地方。我同其他人既關係都唔算好好，但我又唔會好似d人咁，死左個fd就喊到死死下。講真，連我老豆老母死個時我會有咩feel我都諗唔到。
