[[倉鼠交配問題]] 20點!!!!

其實想倉鼠生BB要有耐性,唔會過1、2日就會生,起碼要幾星期.

在母鼠發情的時候，他們會讓公鼠去交配。這個時候一般是排卵期前後的時間，母鼠發情只會維持幾個小時。如果在這斷時間成功交配，鼠鼠就會懷孕。而不成功的說，就要得3.5~4天讓母鼠再進入發情期才可以交配!

經過幾次的交配，大家會可能見到一些小小的白色的臘狀東西在母鼠的生殖器的地方。這就是交配塞。交配塞代表精子已經在交配過程排出。
四天以內，受精的卵子會去到子宮裡成為胚胎，透過磁帶和貽盤去吸收營養。大約18天就會誕下小鼠。懷孕期的時候，母鼠心情會比較差一點。飼主需要特別注意，別令他生氣啊! 不然鼠媽媽會食左D倉鼠BB架

A.如果兩隻鼠唔打死既話,女鼠又接受交配,就會在發情期既時候交配.鼠鼠發情期大約係4-5日,其中既4-12小時
女鼠發情期係會背向天,身體較扁平,尾向天,有時你用人手摸佢背,佢都會擺出呢個準備交配既姿勢.
男鼠發情期睪丸會漲大,會去聞女鼠既尾部,如果見到女鼠準備交配,就會爬上女鼠背部,再進行交配


B.倉鼠分男女:
你可以睇下佢排泄既位置,應該會有2個孔,分得遠d既就係男仔,相反近d既就係女仔.
而熊仔鼠比細隻既鼠更易分,有d細個到未戒奶都分得出.你睇佢地底下有冇兩排乳頭,有就係女
而大個d就會見到尾附近有唔同,圓係女,尾係尖就係男仔.男仔長大後會見到佢近尾會有一舊野咁,即係鼠既睪丸
仲要留意,細隻既鼠真係好難分,鼠店都有錯既情況


另外,其實鼠鼠最好分籠,繁殖鼠鼠會有好多問題,希望你可以考慮唔好繁殖鼠鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶