覺得自己都唔係差, 但點解咩都無, 好辛苦啊...

我成日都會不自覺同身邊啲朋友比較, 最近我朋友畢業, 知道佢家人/朋友有人會去佢畢業禮, 送花, 公仔, 我知道後個心有點酸溜溜, 唔係話唔想佢有人送, 而係會有少少妒忌, 朋友仲話送公仔好無謂, 佢自己都唔係咁想要, 但起碼有人送呀, 重要既係果份心意, 但我畢業果陣咩都無, 我真係好想有人會care我啊, 可惜咁多年來我都係自己一個。朋友話請我食生日飯, 咁岩我果日唔舒服無去到, 我話唔洗補番喇因為我唔會去主動request人地既care, 佢地真係無同我補番, 最近有另一個朋友生日佢地又食生日飯, 我又會諗起我果餐都無左, 其實真係好想有人care, 但佢地又唔會真係好care自己, 只係咁岩趁生日飯當gathering, 無左就等下一個朋友生日, 個focus好似係gathering而唔係我生日, 雖然係我自己話唔洗補先, 但佢地真係無諗住補番果下係會有少少唔開心。啲朋友成日搵我訴苦, 我都好樂意聽佢地呻, 有時係街見到啲得意野都會買比佢地, 但佢地都唔會好care我.....唔係話妳想人點對妳就要先點對人嗎? 朋友拍拖了, 自己仲未拍過, 我係好恨拍但呢啲野無就係無, 覺得只有拍拖先可以得到人地既care, 所以某程度上知佢有拖拍又會酸溜溜, 呢啲酸溜溜既感覺真係好難受, 覺得自己好衰咁, 有時仲會想佢地散咁大家就會變番一樣, 好衰呀覺得自己...我知自己係有啲缺失, 覺得人地樣樣都好過自己, 因為我咩都無, 又無人care自己, 咁點算好呀, 我唔想再咁樣了, 我好想真心替朋友感到高興, 但一同佢地比見到佢地咁幸福, 自己仲係一個人無人理, 我就會好唔開心。 朋友好樂觀, 成個開心果咁, 但我成日都諗好多野令自己好唔開心, 點解佢可以成日都好開心好似無煩惱咁, 但我成日都唔開心, 又唔會同人講, 成日好似好開心咁, 但我同佢性質唔同, 佢係真係好開心, 而我係利用開心去cover自己既唔開心, 所以背住人既時候我係好depressed.... 我而家變到好執著, 唔可以好豁達, 成日個人好似有心事好沉重, 成日諗起自己無人理就好想喊, 好難受....愈想要就愈無得要, 反而愈唔care就真係會出現, 我都好想有人送花送公仔, 有人同我食生日飯, 有拖拍有人鍚, 好樂觀無煩惱, 但全部都無....=( 我覺得自己都唔係差, 但點解咩都得唔到, 好灰真係... 咁我可以點喎? T^T