我真係好中意佢, 點樣先可以忘記佢....

9個月前係工作上識到一個男仔, 我可以話對佢一見鍾情, 但其實佢係一啲都唔好, 因為佢對我係好無禮貌態度好差, 我未拍過拖, 唔係咁識點同男仔相處, 但我就係認定左佢, 好想去同佢熟啲。我用左好多方法去爭取同佢傾計既機會, 因為初初我同佢其實無咩交流, 見到面都好似路人咁, 之後我搵左好多機會同佢接觸, 第一次單獨同佢傾計我係連正眼都唔敢望佢, 塊面超紅的。後尾算可以破到冰, 同佢都可以傾下啲閒計大家打閙下咁。佢有時都會對我幾無禮貌, 我知佢係對我無興趣, 不過我依然堅持, 大家好似普通同事咁。直到有一次我終於同佢講左覺得佢平時對我態度好差, 佢先話係咩, 佢自己又唔覺, 但佢之後態度係明顯好左, 我有少少開心因為覺得佢有將我既說話上心。 因為某啲原因我要離開呢間公司, 我知一旦離開就唔會再見到佢, 果時我都有掙扎走唔走, 不過最後都選擇走(第二啲原因)。我同佢未算熟到會再KEEP CONTACT, 我唔想就咁放棄啊所以我主動search佢FB ADD左佢, 之後我有同佢講過我QUIT後會去旅行, 我番黎既時候特登約佢出黎比手信, 我唔知咁樣算唔算做到好出面, 但對我黎講係需要好大勇氣, 我係第一次對一個男仔咁主動, 但亦係第一次以朋友身份同佢傾計, 係覺得好幸福架。 距離上次見佢已經成個月, 但佢無主動搵我, 其實從來都係我一直主動搵佢, 佢應該無咩意慾想同我做朋友, 咁我會覺得不如放棄算了。我知我可以繼續主動搵佢, 朋友話人地無意慾唔搵妳係正常, 自己又中意人就要主動啲, 但我既勇氣已經耗盡了, 我係果啲主動過但對方無咩反應就會停止既人, 可能係愛面子吧。我朋友話而家啲男仔好薄皮, 好少做主動因為驚衰, 我唔知佢係驚我玩佢(因為事實上我係無表白過)定佢真係唔中意我, 但同佢糾纏左接近9個月我已經好累了, 再搵佢可能只會難放低.... 可能少戀愛經驗啦, 因為我真係無咩桃花, 有試過人追但全部都無左影...身邊都係女仔fds, 佢地有啲結左婚有啲都有個好stable既男朋友, 我自己都有少少急la雖然我都係廿幾, 有時諗會唔會我太恨拍拖又難得遇到一個potential又有FEEL既男仔就會好固執, 覺得點解我係對佢咁有FEEL, 果種感覺係好深刻, 初初以為自己唔了解人盲目喜歡係錯覺, 但隨住愈來愈多接觸呢種感覺係同第一眼時無變過, 依然係咁喜歡他....覺得自己係最光輝最青春既時候但都唔可以展示係最喜歡既人面前係一個好大既遺憾.....讀書時期已經錯過左, 唔通真係要到三十歲先有拖拍...=( 我真係好中意佢, 點樣先可以忘記佢....人地話搵過第二個就可以好快忘記心入面果個, 但我而家身邊真係一個都無.....