就讀心理學問題

你好, 大學以外的心理課程相信非常之多, 只係質素難以保證

我比較清楚本地大學提供既心理學學位課程:

1. 港大

2. 中大

(以上兩間收生要求相信都唔需要多講, 多屬高中後經聯招直入)

3. 城大: 大部分經高中後經聯招, 少部分副學士申請入讀

4. 浸大: 絕大部分係副學士學生升讀, 亦有少量外國回流,讀左某種合資格文憑升讀

5. 樹仁: 好似要讀4年, 唔係好清楚

6. 公開大學: 師資另人非常懷疑, 其中一tutor為浸大psycho fresh grad, 未持有master degree, 亦無hons

7. 理工: 唯一的local psychology part-time degree

而收生要求, 中大最嚴格, 機乎完全唔收asso/high dip入既學生, 港大睇個別學生能力, asso/high dip成續優異既都收, 有小貓幾隻. 浸大好似收asso 3.2 , 城大asso 3.6, 其餘則不大清楚, 公開大學最易入, 基本上有高中畢業都入到

其實你目前的學歷同工作經驗係點呢？

A. 如果係完成高中, 可報讀心理學副學士, 收生唔係高要求, 最基本係中英合格. 各大院校都有, 至於升唔升心理學學士 (大學學位), 就睇個人興趣同志向.

B. 如果係在職人仕, 收生要求會視乎工作經驗而定, 如果係高中畢業, 又有固定工作, 相信可以考慮下理工ge part-time degree. 當然高中成續都要合資格啦

C. 當然, 如果你本身已經係degree holder, 直接報已經ok, 好少唔收

但講開又講, 其實你想報導心理學課程係為左個人喜趣定職業考慮?

如果係個人興趣, 建議你先去睇下有關心理學既書, 絕對唔係一段書店既大眾心理學, 而係搵大學用書, 最基本係 Introduction to psychology, 冇記錯係紫色封面有個蘋果. 如果想搵D簡單D ge, 可以試下去大型書店搵台版既 "心理學入門"。 因為一般人印象中既心理學同實際既課程有好大分別. 絕對唔係教你點樣去知道人地既想法或者點樣可以睇穿一個人. 相反, 係觀察一個人既行為, 去了解、解釋行為背後意義同原因. 當然呢個只係其中一小項, 心理學既範圍大廣喇, 亦都唔係一般人想象咁神秘同有趣. 響投放時間同金錢之前, 建議先詳細了解.

如果係為職業考慮, 我就唔太清楚有咩工作需要再進修心理學, 但相信degree會比較有幫助.

愛心小提示: 讀得degree level既心理學, 預左要有一定程度既英文語文能力啊! 唔ok都唔駛擔心, 夠勤力既話你會發覺自已越讀psycho英文越好. 大把journal你睇, 大把terms比你串~


2011-11-06 23:47:04 補充：
公開大學: 師資另人非常懷疑, 其中一tutor為浸大psycho fresh grad, 未持有master degree, 亦無hons <--我指公開大學課程無hons, 非浸大