✔ 最佳答案
飛蚊症, 確實是沒有藥物可治的, 但係都唔使死掛, 你最多係成世同隻昆蟲做朋友遮.
講番正經, 如果你是35歲或以下的年輕人, 你眼球的玻璃體尚未退化, 身體機能及修復能力尚佳, 你有機會自已好番, 但是, 如果你已經年過50, 就通常都不能期望飛蚊症會自已痊瘉了, 唯一是要靠做手術才能根治, 但是你要知道, 醫治飛蚊症的手術, 是一項大手術, 要全身麻醉, 而且要割除眼球部份玻璃體, 即係話要割去部份眼白或部份眼球, 打進特製氣體或液體, 如果康復過程出了狀況, 還可能要做多幾次手術才能修復完善, 如果你只係見到隻昆蟲之類, 而並非有太多嘢飛來飛去而嚴重影響視力的話, 我個人認為, 你不太徝得做這種又昂貴, 又高風險的手術.
但有一方面, 你要留意, 就是你眼睛的健康, 飛蚊症有可能是眼底出血做成, 你需要定期檢查視網膜有否出血或病變, 因視網膜病變而延醫的話, 是可以致盲的, 你亦要檢查你有否糖尿病, 高血壓之類, 這些亦可引至飛蚊症及各類眼病.
2011-11-10 17:55:47 補充:
樓主:
你不必擔心會越來越多蚊, 因為如果你的視網膜沒有出血, 就唔會越來越多蚊, 如果真係越來越多蚊, 就要做我以上所講果隻玻璃體割除手術, 割去有問題的部份眼球, 自然冇晒啲蚊, 不過如果你日後真係越來越多蚊, 你就應該揾專業眼科醫生檢查眼底, 看看是否視網膜病變, 因為飛蚊的其中一個主要原因, 是視網膜出血, 血液流到玻璃體(即:眼球內), 成為你見到果隻蚊, 視網膜出血可致盲, 要及早用雷射光治療術醫治, 否則遲咗就要做大手術, 同埋失去部份視力.
你現在的工作既是跟人命有關, 如果隻蚊真係有機會搞到你失準害死別人或自已, 就要轉工喇, 要試吓接受轉變, 因為世事幾可盡如人意呢?