索菲亞公主優先法

呢版係法律版, 所以我只會答法律嘅定義, 其歷史背境請你自己上網搵吓啦. 條例本身又長又噚, 我唔列出嚟啦.“索菲亞公主優先法”正式名稱係 “Princess Sophia’sPrecedence Act 1711”. 呢條係一條超古老嘅英國法例 (1711年), 但至現今都係仍然有效, 因為英國而家嘅皇室成員 (伊利沙伯II, 查理斯皇子等)嘅祖先其實係德國人. 佢哋係因為呢條法例先至做到英國嘅皇帝/ 女皇. “索菲亞公主優先法”立法原意係確認 The Settlement Act1701, 即係有關英國皇室皇位繼承嘅次序. 其內容大意係如果安妮皇后 (Queen Anne)無任何子嗣, 咁英國皇位嘅繼承族位 (line of succession) 將會由德國漢諾威嘅索菲亞公主 (ElectressSophia of Hanover,又名PrincessSophia of Hanover)及佢嘅新教徒 (Protestant)子嗣承繼. 而索菲亞公主在英國皇室嘅地位, 亦正式被確認為在安妮皇后之後 (跟住就係佢個仔佐治 - 後來嘅英皇佐治一世 - 及佢其他嘅新教徒子嗣) , 及在肯特伯雷大主教 (Archbishop ofCanterbury)及其他貴族之前. 簡單講, 根據呢條法例, 德國嘅索菲亞公主及其子嗣, 只要係新教徒, 就可以繼承英國嘅皇位, 其地位等於英國嘅皇族.呢條法例係英國大學 Constitutional Law必讀嘅, 但香港回歸後好似己經被剔出咗個syllabus.你問嚟做乜?

2011-10-30 16:26:35 補充：
哈哈! Pak Sum網友, 你開個知識 a/c 只係問呢條問題, 你無估到有人識答呢!?! 呢 5 分, 值得俾啦!
其實小弟都好佩服你! 咁冷門嘅法例 (重要係英國法例) 你都搵到, 好嘢! 俾個 LIKE 你!!