accounting!!

中學同LCCI會計比較著重計數及做財務報表, 考試好少答Theory類型題目. 中學會計主要學double entry, journal entries, T a/c, financial statements, accounting ratios, year ended adjustments, management accounting等. Double entry你知基本原則就會知點做, final statement都係做得多就熟. 有些概念雖然要死背, 但係理解重要好多, 否則你連點解點寫算式都唔清楚.

大學或者出去考專業試就唔同. 大學會計主要讀財務會計、管理會計、核數及稅務, 再加商業科目. 雖然讀財務會計你會接觸double entry, 但已經唔係最主要內容. 讀財務會計同核數要讀好多準則, 讀稅要識稅務條例及court case(當然要識計稅), 考試唔會問你準則講乜, 最重要係識點樣應用於case上面, 考專業試會有好多case studies題目, 寫字多過計數.

無論中學定係大學會計, 計數唔會去到理科程度咁難.

2011-10-29 18:03:41 補充：
數學同會計關係不大, 之前講過會計只係加減乘除, 理解同識應用才最重要. 有d人數學唔好, 但會計考得唔錯. 亦有大中學讀文, 大學讀會計, 成績都唔差.

account 基本上唔難讀,只要明白一個基本原則, 就能解決所有問題。
基本原則: 資產=資本+負債 。所有數字都不離開這個法則。但你要知道讀account有兩種人, 第一種死背,第二種理解。死背的人到最終是account不會有太好成績,理解的人最終就好唔洗溫都一定識。因為只要用這原則就可以化解所有好深的問題。