磁浮技術可以取締火箭或穿梭機？

唔係好明樓主既建議。磁浮技術係指磁浮火車，基本原理係要起一條磁浮火車軌，上面舖滿電磁鐵及電線，所以整個結構非常巨型，一定要建於地上，而且仲要係一座非常巨大既建築物。架火車比條巨型軌道上既電磁鐵唧起左，先至可以漂浮於半空中，即係架火車其實係黐住條軌道運行，絕不可離開條佈滿電磁鐵及電線既軌道，因為唧起架火車既電力係來自係火車之外既軌道。

火箭係以完全不同既原理運行。火箭係一個自給自足既交通工具，佢帶晒所有需要既燃料及氧化劑上天空，佢完全用自己既燃料及自己既氧化劑混合燃燒，然後噴出氣體產生推力，整個過程絕對唔需要外部結構幫助。太空就係一個完全無外部結構幫助運輸既空間，所以只有完全自給自足既火箭先至可以上到太空。

不過以前有一啲類似樓主建議既想法。例如以前有人建議興建太空電梯，即係起一座超高建築物，高達幾百以至幾千公里既太空，咁就可以用樓主既磁浮火車方法上太空，但當然去到既地方只去到座建築物去到既地方。

有條橋仲絕，可以擺脫火箭要完全自給自足既問題，而且唔駛帶任何燃料，推進劑仲要係太空任用唔嬲，就係太陽帆。原來光都有壓力，所以有人唸到如果係太空張起一塊好巨大既帆，向住太陽既方向，咁就可以兜住太陽射出來既所有光，只要個帆夠大，再加上太空引力極為微弱，咁累積起來既光壓力就可以推動一隻唔係好大既太空船。不過由於個太陽帆要非常大，運材料上太空都好困難，所以到依家都未實現。

2011-10-29 22:10:46 補充：
樓主既提議最大問題就係點樣建造呢座咁巨型既建築物。要記住人類曾經出現過最高既建築物就係今年係杜拜落成嗰座唔知乜乜塔，但呢座野都只係高幾百米而已，但要上太空座建築物就要有幾百或幾千公里咁高，以現在既技術完全無法興建。就算起到，點樣為呢座野供應巨大到難以想像既電力都係問題。

2011-10-29 22:13:52 補充：
其實樓主既問題係有無成本低啲既往返太空既工具。呢個問題好難答，因為話有又得，話無又低。其實穿梭機本來就係為左低成本往返太空，但後來發現成本比一次性火箭仲貴，加上太舊，所以退役。

2011-10-29 22:16:54 補充：
不過自從火箭技術較為普及後就有唔少國家，甚至民間公司都可以掌握，於是令發射火箭既成本大幅降低，但當然呢個大幅度係相比起穿梭機而言，俄國既一次性太空船可以做到一百萬美元就上到太空一次，以上太空來講係超低廉價格。問題係之後上太空既成本可否再大幅降低。

2011-10-29 22:19:15 補充：
的確有機會，幾年前有個叫做X-Prize既獎項，專門頒比可以用低成本上到太空既間公司，有間公司得左獎，原理係用飛機係高空發射一架較小型既軌道船，之後軌道船以普通飛機模式降落。呢隻太空船係未來有機會大幅度降低上太空既成本。

唔無聊，只係你未了解到兩樣嘢。
1. 磁浮嘅技術唔係前後，佢未身係上下，係用上下兩個相同磁極做成浮力，令車箱與地面產生0摩擦阻力。

2. 上太空唔通高度有唔同速度要求，高度越高，速度就要越快，否則無法脫離地心吸力。

所以你嘅諗法就此可以諗發展出一個航天彈射器，而能夠突破第三宇宙速度嘅彈射器將火箭彈射出宇宙。

充氣式，你可唔可以解式一下如何可以成本低、易組裝？因為一定要有可以支持到一定重量嘅要求，充氣式無可以有大承重效果。

2011-10-27 21:39:50 補充：
無氣體通電後會變固體…