數年前曾犯事,依家可取得良民證嗎?

因為擔心之前18歲犯過事依家拎吾到良民證 答: 擔心有理。不過, 無論機會有多大, 筆者, 認為試一試申請無犯罪紀錄證明書 “俗稱良民證”, 那又何妨? 言歸正傳, 根據香港法例第298章： 罪犯感化條例第7 條, 有關感化及釋放的補充條文(5) 法院根據本條條文作出任何命令時，如有關罪犯─(b) 未滿16歲，則可針對該罪犯的父母或監護人，或針對該罪犯本人強制執行該命令，視乎法院衡量有關個案後認為何者公正而定。或許, 讓筆者以更簡單的說話表達有關條例; 簡單而言, “守感化令” 是另一種代替監禁的懲罰方式；一般由一年至三年，視罪行的嚴重性；雖然不是監禁，但是同樣是犯事人，都留有刑事案底。

2011-10-30 00:03:07 補充：
謝謝閣下的提問, 筆者回應如下:
誠如, 筆者早前言明, 無論機會如何, 是應該一試申請無犯罪記錄証明書。
若閣下向警方申請無犯罪記錄証明書,俗稱「良民証」, 警方仍會在這文件上, 列出有關案底, 但會註明此案底, 在香港法律下已喪失時效。
簡單而言, 張良民証上仍然會有這個案底紀錄, 批準有關人士入境與否, 已不是香港政府的責任了。
若有疑問, 歡迎提出研究。

兩位答者皆是在下的好友，但以事論事則 peterchan 知識長的答案內容較能提供更多的資料！
故在下這票投給他，在此對未能支持月光光兄表示歉意！

你犯過事, 被法庭判有罪及判罰 (無論判感化令 /社會服務令 /罰款或坐監).在香港, 只有少年法庭法官先有權在特別情況下, 可以下命令不留案底. 否則所有被法庭判有罪及判罰嘅人, 都會有案底. 因此除非你當時係喺少年法庭受審, 而法官又特別下命令不留案底, 否則你巳經係有案底. 良民證正式名稱係無犯罪紀錄證明書. 顧名思義, 即係一張證明你無案底嘅文件.咁嘅然你有案底, 你當然就無論幾多歲都好, 都攞唔到良民證.當你申請良民證時, 如果你有犯罪紀錄, 警方係唔會發出良民證嘅. 警方只會用掛號信通知有關嘅領事館 / 移民局同埋你本人, 警方唔可以發良民證俾你, 並且在信內會列出犯罪紀錄資料. 請注意, 警方係唔會在信內註明 “…此案底在香港法律下已喪失時效…”嘅, 因為香港根本並無 “案底喪失時效 (spent record)” 呢樣嘢. 香港只係有罪犯自新條例 (請看下文).但係, 咁唔代表你一定唔可以到台灣讀書. 唔係話有案底就一律唔批visa嘅. 當然, 有d國家係有案底一律唔批, 但到台灣讀書未必唔得. 批唔批簽証俾你, 要視乎:1. 邊個國家 -例如美國就有案底 (不論係乜案底) 連旅遊visa都唔會批. 但泰國、台灣就有輕微罪行案底都會批旅遊visa.2. 你申請乜嘢簽証 -如上說, 好多國家會批旅遊visa俾有案底 (輕微罪行)人仕, 但移民visa就9成國家未必會批.3. 你犯嘅係乜嘢罪及判刑係乜 -如果涉及嚴重罪行 (例如殺人、打刦) / 有組織罪行 (任何三合會罪行)/ 性罪行 (強姦、非禮), 就通常唔會批.4. 犯案至今年期 -當然距今越長越好啦. 你首先應該向警方申請查吓你有無案底. 做法請參考以下答案中嘅第(2) 條:http://hk.knowledge.yahoo.com/question/question?qid=7010112501053之後就向警方申請良民證. 如果証實你有案底, 就親自另函台灣有關機構求吓情, 詳述你所犯何事及列出求情原因 -例如當時年紀小, 現己洗心革面長大了, 希望可在台灣得到好的教育, 將來貢獻社會…之類. 如果你唔係犯以上(3)所講罪行, 係有機會攞到visa嘅. 你話“…未滿18歲前所犯的事而有案底的, 會於18歲後註銷…除警方外,不會再以任何文件向任何一向透露…”係社會錯誤傳聞, 根本無咁嘅事. 案底係跟你一世, 唔會註銷嘅. 只不過, 根據罪犯自新條例, 在合乎某啲條件下, 及在某啲情況下, 有案底嘅人可以合法地向外宣稱佢無案底, 及佢嘅案底唔可以作為對佢不利嘅原因:http://hk.knowledge.yahoo.com/question/question?qid=7007060104096好不幸, 罪犯自新條例並不適用於移民 / 申請簽証. 所以台灣有關機構係一定會知道你有案底嘅.