月供股票想請教各位會揀邊隻??唔該晒!!!

其實你連選擇的機會都唔俾自己
點會揀到岩用的呢

投資唔係一個單項, 一個種類可以解決的野
股票, 基金, 外幣, 期貨, 適品, 樓, 鋪
都只係其中一個種類
依家你的選擇更焗限係月供股票的三隻股票中
咁的限制下, 就算話你知揀邊隻
一樣都係死

諗清楚你目標係咩la
尤其是對基金無興趣, 對股票裏的基金有興趣的你
更加要諗清楚
究竟你要d咩

同埋最後俾個建議/分享la
就係你做投資時
最好係一個portfolio咁做
而唔係單一投資

選盈富基金，不選建設銀行和工商銀行。

理由是風險考慮，建設和工商是四銀之首，不過全買內銀行業，只怕波動不是人人受得。

盈富基金最合月供不看價之人士，發了自己都不知就更佳。
不過要記住，此答案今天合用，是因為恆指２萬點，市盈率十倍上下。到了市盈率十六／七倍上下，是另一情況另一答案。

如有其他問題可按上面我的用戶資料中找我的電郵聯繫

盈富基金係以當中既成份股計價,我比個參考你,當年東尼成立左一個百萬投資戶口,恆指係13000點,大約10年後到今日計數,恆指大約係19000點,而佢既百萬組合就有超過400%回報.想講你知,盈富基金係命中注定唔會跑贏大市(本身佢就係大市指標),月供黎講唔係咁好(浪費哂機會成本).

月供,我覺得你冇10年以上都唔好入場,第一月供成本超貴,第二係以平均成本法去投資,時間愈長,回報先愈明顯,做幾年月供就不如儲現金等一次跌市入貨.

至於選咩股,就要睇得好遠(假設你同意,月供就是要10年以上!),有眼光,就直接選中行業,就算唔識,都要避開周期性股份(如水泥建材,航運航空等,除非你認定該公司可不受周期影響而增長),有周期性影響既股票係好難月供,試問當公司進入下跌周期,連年下跌,你仲有興趣再供落去?(大部份人都喜歡一路供,一路升)

選擇具有平穩增長而發展健康既公司係首選,例如大家樂,領匯,2電等算係,而內銀股都好好,進取應該選招行而非4大國有銀行.

選錯股做月供固然慘,而你本身目標唔清楚或者執行力唔夠,仲慘!

2011-10-29 16:45:17 補充：
其實盈富基金選股係有限制,因為佢既作用係做一個指標(反映出實際經濟環境)多於關注投資者實際利益,所以當中好好多指數股係"夾硬"收入去,真正具投資價值既股份係一半都冇.

可以做下統計,計算過去10年,只講電能,中電呢2隻所謂公用股,已經贏足幾條街,其實我想講,點解要咁笨,買埋恆指入面既"陀衰家"呢???

以上講法係以"月供"為基礎,要攪清楚月供,平均成本法既問題,愈供愈蝕係可以發生,例如係80年代尾既日經平均指數,3萬跌到今日1萬都冇,經歷超過20年.

買什麼股票,其實要參考你本身既資產組合(包括human capital)

所以你這樣問係沒什麼意義.

但如果假設你係冇任何資產,另外吾計你的個人收入

買盈富基金.

因為根據過往研究,係包括交易成本下.大部份基金及股票,係風險調整下

的回報(Risk Adjusted Return,例如Sharpe Ratio)係會差過ETF.