坦白講,我真係唔多鍾意讀書,亦都唔認為自己有機會入到大學,只求升到班,捱到中六考埋文憑試畢業拎埋證書出黎搵工算....明明眼見就快畢業.....點知間死人學校居然要我留班.....唉......間學校好垃圾啊......我睇間學校多數都凈係諗住自己公開試既成績,就要排除d成績較弱,跟唔到既學生,令人冇得畢業,要人浪費多一年時間同埋青春,加上我好唔容易先適應到兩年,依家又要重新適應d新同學同埋讀多一年同樣既野....我覺得自己愈黎愈撐唔住,仲比上年更加冇心機讀落去,成績分分鐘仲差過上年,已經愈黎愈唔想再返學,覺得自己同廢人一樣......一日比一日難受......
間學校每年都起碼留10個到....整到一級愈黎愈少人...d垃圾老師仲要成日打算叫d成績差/讀唔到書既人退學讀ive/另找出路,想要人冇得順利畢業.....老實講,我真係唔認為果d野有用lor....重點係當中d課程完全冇我岩既興趣....大佬,畢唔到業咁叫人點出黎搵工呀?自問自己亦唔期望會搵到人工高既工,只希望可以實現到自己想做既事情就已經好夠(我從來都好清楚想做既工要既需求係點).....
雖然學校話就話留班係用黎鞏固返成績較弱既學生既基礎,但我覺得根本就係懲罰成績較弱,跟唔到進度既學生既一種手段黎,要人地承受唔到挫敗而退學.....咁仲衰過比人踢出校.....我就覺得改唔改主要睇有冇心姐,冇心改既話,即使留完咪又係咁,晒晒d時間......
真係好想爆粗x呢間咁既死人學校......衷心地詛咒呢間學校不得好死......真係好想打去報館講呢間學校d衰野出黎......
之前我有個同學中四果陣比人留左班.....其實都係人地想讀埋中六畢業姐.....佢最後都係頂唔順選擇退左學....仲變到愈黎愈墮落....而我都唔知點算好.....
我依家心情真係極差,麻煩不滿既人勿插.....
新學制中五比人留班TnT
2011-10-21 11:02 am
回答 (3)
2011-10-22 6:16 am
✔ 最佳答案
朋友仔，聽你咁講又真係好煩惱喎！以前舊學制有唔同既結業點，一般人都掌握初中、高中同預科畢業係d咩。不過新學制當中中五只係課程既其中一部份，中途退學又唔算完成左高中課程，無論出黎做野或者轉讀其他職業/專業教育都有認可程度既疑問，始終個社會都要時間適應依個學制既改變。講真，依家學校亦都有佢地既考慮，大家都想新高中文憑試頭幾屆學生拎到好成績，證明學校既教學成果或增加生存機會，教育界既競爭真係越來越大。結果補課拔尖補底留班咩野催谷學生既方法都用齊，出發點可能係想你好我好，但係對同學造成既壓力一d都唔容易承受。
我同意響你既處境要你接納學校既做法係好難，不過我覺得你有個地方好叻，就係好清晰知道自己想點，有自己想追求既目標，老實講有d人大學畢業果刻都未有人生目標呢！人生有時就係有大大小小既挫折，其實你望住自己既目標，再堅持一下，好快就會到咖喇。如果依刻你就中途放棄實在會為你感到好可惜，真係希望你可以好好加油！
有興趣就add我fb/msn傾下偈啦：[email protected]
2011-10-21 11:15 pm
咩都好la, 盡力而為la! 唔好唸到咁灰la!
我都唔知要講咩好...
間學校好似真係好唔掂wo... 我個人認為, 努力過就ok!
我上年, 英文, 明明d功課交曬, 咩都做好曬... 以為至少有70幾%, 點知我only有50幾... 因為個老師唔見左我D野! 有冇搞錯丫!? 重點係, 果個老師上堂仲要唔係教書, 係講佢既"故仔", 搞到好多人final exam唔合格。好想爆粗lo! 我呢度仲要only得一間中學... 好彩今年佢唔係我英文老師... (我應該細你一年...)
我覺得你可以叫父母去學校"講數"lo! 因為家長既"意見"... 應該有用...... 學校應該會聽... 再唔係, 就去教育局講lo! 唔好怕丫!
有時真係唔明, 反學有咩用?
我都唔知要講咩好...
間學校好似真係好唔掂wo... 我個人認為, 努力過就ok!
我上年, 英文, 明明d功課交曬, 咩都做好曬... 以為至少有70幾%, 點知我only有50幾... 因為個老師唔見左我D野! 有冇搞錯丫!? 重點係, 果個老師上堂仲要唔係教書, 係講佢既"故仔", 搞到好多人final exam唔合格。好想爆粗lo! 我呢度仲要only得一間中學... 好彩今年佢唔係我英文老師... (我應該細你一年...)
我覺得你可以叫父母去學校"講數"lo! 因為家長既"意見"... 應該有用...... 學校應該會聽... 再唔係, 就去教育局講lo! 唔好怕丫!
有時真係唔明, 反學有咩用?
2011-10-21 6:17 pm
就算俾你升到班, 考埋個文憑試, 如果張成績單科科唔合格, 你攞出去見人都失禮自己啦! 我俾你出嚟做嘢, 你估你又可以做到啲咩? 或者你得閒去攞份免費搵工既招聘報紙睇吓, 你有咩工可以見可以做, 有冇你拎住張科科紅既成績單可以做既工??
的確唔係每個人都係讀書材料, 但係張成績單跟你一世, 學歷係自己, 唔係學校或者父母的. 有邊個會對讀書有興趣喎??
你無需理由學校的整體意願, 就算有錢俾你讀私校, 你咪一樣係無心機讀書, 最後又係科科紅, 唔好浪費家人的金錢喇!
你見到例子, 有人愈黎愈墮落, 都係不得意, 為何不得意?? 自己都放棄自己, 無人會救到佢(你)
留班唔係咩失敗, 一世人流流長, 要面對的挫敗仲多, 學校要學生留班, 其實要向教署等報告好多嘢, 因為要在同一個人身上花費多一年納稅人的錢呀! 學校夾硬俾你升上去, 先係唔負責任同想早啲送你走, 無眼屎乾淨盲的意思.
諗住個學生都係無得救, 快啲送佢走, 唔好阻住地球轉就會由得佢升班, 早走早著..
至於勸學生去讀ive.. . . 都仲有一門手藝, 或者專業知識, 又係同一個問題, 拎住張科科紅既成績單出去搵嘢做, 邊個會請呀????,
記住前途係你自己, 唔關學校, 老師, 家人的事, 張成績單上面個名係你, 唔係別人, 你自己都覺得自己會失敗就注定失敗, 有付出先會有收穫.
的確唔係每個人都係讀書材料, 但係張成績單跟你一世, 學歷係自己, 唔係學校或者父母的. 有邊個會對讀書有興趣喎??
你無需理由學校的整體意願, 就算有錢俾你讀私校, 你咪一樣係無心機讀書, 最後又係科科紅, 唔好浪費家人的金錢喇!
你見到例子, 有人愈黎愈墮落, 都係不得意, 為何不得意?? 自己都放棄自己, 無人會救到佢(你)
留班唔係咩失敗, 一世人流流長, 要面對的挫敗仲多, 學校要學生留班, 其實要向教署等報告好多嘢, 因為要在同一個人身上花費多一年納稅人的錢呀! 學校夾硬俾你升上去, 先係唔負責任同想早啲送你走, 無眼屎乾淨盲的意思.
諗住個學生都係無得救, 快啲送佢走, 唔好阻住地球轉就會由得佢升班, 早走早著..
至於勸學生去讀ive.. . . 都仲有一門手藝, 或者專業知識, 又係同一個問題, 拎住張科科紅既成績單出去搵嘢做, 邊個會請呀????,
記住前途係你自己, 唔關學校, 老師, 家人的事, 張成績單上面個名係你, 唔係別人, 你自己都覺得自己會失敗就注定失敗, 有付出先會有收穫.
收錄日期: 2021-04-13 18:18:42
原文連結 [永久失效]:
https://hk.answers.yahoo.com/question/index?qid=20111021000051KK00071