如何提升觀察力?為什麼女性比較細心?

我覺得要提升觀察力, 必須要培養耐性; 而要培養耐性, 條件當然是要有比較多的空閒時間.
所以除非是閒人一名, 或者是退休人士, 否則以港人那麼忙碌, 是無法抽到那麼多時間的.
我舉個例子: 坐輪椅人士是如何乘搭巴士的?
我是最近才的起心肝去留意的. 通常都是由工人或義工推他們到巴士站, 當巴士埋站時, 車長便會下車拉開車頭那塊板, 給他們登車.
而巴士中間那扇門是沒有那塊板的, 所以我才知道原來輪椅使用者是在車頭登車和車頭下車的.
可能女性比較有耐性, 所以較易觀察到細微的事情; 而男人始終都是比較心急, 甚至是急噪, 所以不及女性細心.

首先啦，你個問題我覺得細心同觀察力係有因果關係。因為細心觀察就一定唔會差。
我身邊啲人都話我好細心，可能我嘅細心係天生嘅…。我同我身邊啲男仔比，的確發現佢地真係粗心大意好多，例如對啲女仔嘅小動作同暗示完全無反應或者反方向理解。
其實我自己感受呢，女仔細心過男仔嘅最大原因係女仔一定會諗原因，見到嘅任何嘢都會諗下係咩原因會咁，點解唔係咁咁咁，而係咁咁，跟住就可以諗出一個合乎常理嘅原因出黎，所以女仔唔太需要聽到答案，因為自己已經諗到7788。所以對男人嘅一啲小動作，女仔唔難搵到個男人嘅背後原因。而女仔喺做任何事之前多數都會諗咗原因先嘅，好少女仔會唔諗原因而做嘢，但係E句話唔包E+啲小妹妹。
而男仔我唔知係唔係唔諗嘢，總知我見到嘅就係男人講嘢做嘢唔經大腦，成日同啲男仔講返某啲嘢，個答案都係下！係咩？唔知喎！好多時聽到都覺得炆炆地︰咁你都唔知，有無搞錯呀！
我唔知男仔平時係咁睇嘢同諗嘢，所以講我個人感受就算啦，反正應該會有唔少男仔走出黎話唔係全部都係咁。

所以我個人意見學下諗多啲多小小嘢，問多兩句自己點解，咁應詃會有啲幫助。