關於藏毒一事想聽聽專業意見,急~~
2011-10-15 5:24 pm
本人朋友於上月月頭嚮屋企樓下俾差佬夾o左上樓,嚮佢屋企搜到400-500g k仔,當場連佢老婆同個7歲仔都拉埋番差館;到差館仲恐嚇我朋友如果唔認就連佢老婆同個仔都告埋,朋友已當場認罪;當時因為我朋友老細(當然即係俾貨佢出o個個啦)幫佢搵o左律師,律師叫我朋友太太唔好認,就咁就俾差館扣押o左2日~~~跟住過堂,我朋友冇要求保釋,一直到而家都係嚮收押所,而佢太太就以10萬保釋+每日到差館簽保! 咁打後時間o個個律師都好少同我朋友太太聯絡..... 到前日佢同我朋友太太講,叫我朋友嚮o黎緊時間一直都唔好認罪,直至去到高院o個堂先認,咁....好矛盾囉,我朋友一早都認,而家突然叫佢唔好認,地院都唔認,到去到高院先認?.......個官會唔會覺得你玩o野,判得仲勁呢????問個律師而家認同上到高院先認有冇分別,佢又話而家佢想認都冇得佢認,o的文件一o的都冇嚮手,咩都做唔到,要到高院第一堂之後先有文件番.....究竟係咪o架??我朋友太太好擔心,都唔知聽邊面講好,仲有係我朋友想早o的認,唔想上到高院,因為一等可能等8-9個月,同埋早o的認希望佢太太可以唔需要再去簽保.......真係好想知,我朋友應唔應該聽佢律師講突然唔認??因為我o地都覺得個律師都係幫佢老細,會有私心.......朋友19號再過堂,好心急想知,望有心人可以幫幫我o地!!!!
回答 (2)
2011-10-16 9:04 am
✔ 最佳答案
明白你好關心你朋友同埋佢太太，不過坦白講依度並唔係一個合適既地方去處理佢單案件目前既問題。400-500G係相當大既數量，案情嚴重，一個人承擔既判刑係會十分重。作為萍水相逢既局外人，唔知你朋友有幾多難言之隱，只可以講你朋友如果真係有做過就只好坦白交待案情及配合警方調查，以最大誠意及悔意向法庭求請。佢幾乎肯定將會錯過睇住7歲兒子成長既機會，不過好希望佢到出獄一刻仍可坦然面對家人同自己既人生。
本人唔能夠批評你朋友果位律師既動機同私心，始終佢既專業要求佢將佢當事人(你朋友)既福祉放響首位，否則佢可能要面對紀律聆訊甚至釘牌。不過當當事人既福祉同負責俾錢果個人既利益出現矛盾，當中如何權衡的確係唔容易處理。
如果你真係有疑問或好想幫下你朋友同佢屋企人，強烈建議你地去搵另一個師律傾下，無論私人律師、政府既免費法律諮詢服務，或者議員提供既法律查詢，都可以俾到專業意見你地。網上問野只可以作參考，唔能夠太認真要求啦。
祝你朋友同佢屋企人好運啦！
2011-10-16 5:15 am
我認為果個老闆請的律師，只係樣板，既然已決定認罪，又何需到高院才認，
有理由相信會屆時判刑會重手些。
既然律師的作用不是脫罪，那沒有律師也沒有分別。
我說的只是一般見識，不是專業意見，謹作參考。
有理由相信會屆時判刑會重手些。
既然律師的作用不是脫罪，那沒有律師也沒有分別。
我說的只是一般見識，不是專業意見，謹作參考。
收錄日期: 2021-04-13 18:18:07
原文連結 [永久失效]:
https://hk.answers.yahoo.com/question/index?qid=20111015000051KK00155