我應該打咩位好(足球)

✔ 最佳答案

唔推薦咁快選死個位.
根據你提供的資料,
1) 組織型防守中場 ( DM )
你防守85/ 長短傳都相當好. 如果第時練好D遠射的話, 會仲好.
16~18歲時, 最好有160~180CM身高, 大約60~80KG, 肌肉比例越高越好.
20歲時, 最好有180CM以上, 170~180CM都可以, 不過彈跳力一定要好.(防空)
2) 控制中場 ( MC )
以控制中場來說, 你的防守能力相當夠, 傳球係同年齡中應該係一流,
如果真係咁打MC的話, 提高進攻能力同意識, 再加上遠射就差唔多.
你可以去睇下沙唯 (巴塞) 的踢法, 不過要留意巴塞的踢法不一定適合你.
冇特別身高要求, 不過要留意, 最好唔好高過190CM, 不夠靈活.
同時, 有一定身體對抗能力就得, 唔好練到自己成個筋肉人咁.
3) 邊後衛 ( D R/L) or 進攻型邊後衛 (WE R/L)
防守能力再要加強少少, 其次速度同爆發力最好再提高D, 傳中都要高D.
最重要的係一定要有充沛的體能. 如果有一腳遠射就仲好.
身高冇特別要求, 160~185CM就差唔多架LA. 要有一定的身體對抗能力,
但係同MC一樣, 唔好練到成個筋肉人咁, 因為現在的邊鋒都係比較靈活.
你可以睇拿姆 (拜仁) or 搵返羅拔圖卡路士佢地的踢法.
* 如果你想打左邊 (D L / WE L)的話, 練習一下內切射門同左腳傳中.
去睇下洛賓 ( 拜仁)
4) 邊鋒 ( W L/R) or 左右進攻中場 ( AM R/L) or 左右中場 (M R/L)
過人技術要再練高D, 速度同爆發力越高越好, 傳中要有一定功底.
體能! 一定要好. 因為, 這個位置如果唔想浪費你的防守能力的話,
就要跑多D, 係中/前場搶球/ 干擾對方傳球同控制.
** 絕大部份主教練都喜歡肯去搶球的中/前場球員.
身高就冇任何要求, 140~190CM都得. 不過最好唔好過190CM, 唔夠靈活.
體重不必太高, 有一定身體對抗能力就得, 比人撞都仲可以控制到個波就得.
* 平衡同靈活越高越好, 不過小心訓練靈活的時候搞傷自己.
可以睇下 C朗 (皇馬) / 洛賓 (拜仁) 甚至找返費高 (Figo)出來睇下.
5) 中堅 (DC)
16歲冇155CM / 20歲冇175CM 基本上就不用想架LA. (防空問題)
如果有180~200CM就一般都冇問題, 推薦185~195CM. 防空好又夠靈活.
身體對抗能力雖然越強越好, 但係太強反而唔好. (對付唔到靈活型前鋒)
180CM / 75~85KG, 190CM 82~95KG, 200CM 88~100KG.
肌肉比例越高越好. 這個位置練到筋肉人都冇太大問題,
反而係死球戰術時, 不論攻OR守時, 都有用, 頂住個身位, 彈跳一定越高越好.
基本上防守技術一定要練得好好, 加上要可以長時間集中注意力.
如果你仲想係DC上面做好D的話, 練一腳重炮遠射.
當球隊打唔開局面時可以沖上去來一腳遠射,
因為一般都冇咩人係進攻時會留意中堅係邊.

基本上根據你的資料就係比到咁多....
不過, 你現在先12歲, 不用急住選定位, 打多D位, 睇下自己鐘意邊個位多D.
學習下其他位要點打, 咁樣你將來同人配合你會知他地會點做.
你現在主要練技術先, 身體保持中等就得.
足球練技術最好的時間係9~16歲. 身體你可以等14/16歲之後先練.

其他建議:
1)如果你想出國踢波的話, 英文一定起碼要溝通到,
最好再加多門歐洲大陸語言,
e.g. 西班牙文(首推), 葡萄牙文(第二), 法文, 荷蘭文( 第三), 德文, 意大利文.
西班牙文同葡萄牙文係因為同南美洲的球員溝通/交流,
荷蘭文係因為好多時候荷蘭超級足球聯賽都係登陸歐洲的第一步,
2)如果可以的話, 18歲前就去歐洲踢波. 因為係歐洲國家的足球水平同氣分好好多.
3)得閒找D比賽來睇下, 睇下D球員點走位, 睇下搵唔搵到D空檔.
這個係訓練你的球商, 現代足球球商越來越重要.
當你球商高到咁上下, 你就會一眼就睇到對面邊到有空檔, 傳去邊到好.
防守時會留意到己方防線有冇問題, 要點樣保位.
4) 不要運動過量, 同要作息定時. 因為你仲有發育階段, 如果你現在搞出D咩嚴重傷患的話, 你基本上就起碼廢左一半..

回答 (3)