部 Laptop 插緊濕電，件電池是否要拆出嚟？

laptop電池既壽命係計recharge cycle 的. 比如話, 一舊電可以有100個cycle. 如果你每次插濕電都拆個電池出來先至插, 只係電池用完才插住來charge, 咁你舊電每charge 一次算一個cycle. charge滿之後可以分幾次用, 就算橫跨幾日, 用到冇先再charge, 都只係算一個cycle. 舊電可以charge 100次才要更換.

如果你平日都唔拆舊電出來, 每一次開機, 就會立即recharge, 即是每一開機關機就係一個cycle. 當你每日開一次機, 3 個幾月舊電就打豺. 仲有, 有時一日之中唔只開關一次, 就算每次只係用幾分鐘都係一個cycle, 咁唔使3個月就冇架啦舊電.

在下用過不下4部laptop, 呢d係經驗之談.

2011-10-20 09:43:17 補充：
樓下所言 [久而久之就直情不裝上電池] 是他的問題吧... 如果完全不用帶出街, 都不需要用notebook, 用desktop咪仲好! d人反而怪個d叫佢唔插濕電既建議, 真真奇怪.

在下唔算敗家, 好少追新款機, 每部notebook用上5年是平常事. So far只係有一部有多一舊後備電. 信不信由你吧.

如果你聽從這些人之說話，久而久之就直情不裝上電池，最後不足一年，個電池就死左。
正確使用notebook，是長裝上電池，利用電池作ups使用(這是notebook之優點)，ac電先到電池，再到電腦。原則上鋰電池是容許叉2000次或使用兩年，用一天開啟4次電腦計算，電腦3年都只是開啟1400次，所以你根本不用擔心charge之次數。
而且我們使用手提電腦之態度，應該常令電池容量下降及上升，令電池多活動，這就會令電池耐用d。所以我們初開啟電腦時，不應使用ac電，直至電池存量低到十幾%時，才接上ac電源，叉電進電池；鋰電池不應低於10%，這時電腦會提你，讓你立刻儲存有用資料，才自動熄機。另外，叉電時要直到叉滿，才好拔除ac電源；這能保持電池在最高效率。
我現在有部notebook，使用了三年，電池之效率衹跌了少於20%，看來尚可使用2年。另如你附有後備電池，除非你一定要隨時替換電池，否則請你不要激活該電池，這樣在睡眠狀態下之電池，可長久保存，直到你替換現在之電池。