我唔係想倒我丫媽米，但係我真係好想部電腦快啲壞，賜教！

我部電腦用咗六、七年，仲係用緊Intel Pentium 4 單核心 3.06GHz，大食到用我95W電(淨係計粒U)，得嗰1GB RAM 仲要顯卡onboard (128MB)。隻死人硬碟得80GB 5400轉仲要load嘢load得慢到死(已經試過無限次重組硬碟、check errors同鏟垃圾file)。

我唔係想倒我丫媽米但係我真係頂唔順佢咁慢嘅速度(已經熄到得返27個處理程序，啱啱開機時仲有700MB RAM可用，但係都係lag都嘔血)。諗住部機用咗6年都就嚟收皮嫁啦，所以我特登打開個機蓋等佢唔對流、唔清理CPU風扇啲塵，企圖加速電路老化。雖然依家有時會有漏電情況(D電唔係好勁，會有feel，但係未致於會電死人)，但係都仲未死得去。我丫媽話部電腦一日唔壞都唔會畀我砌機，所以唔好同我講叫我「拎部電腦去回收，買過部新」。

有咩方法可以「慢性」咁「加速電腦」燒底板、CPU等要害嘅方法??[死硬件 is preferred.]
雖然特登打開個機蓋等佢唔對流、唔清理CPU風扇啲塵已經係一啲例子，但係都係唔夠快。

唔要淋水同用鎚仔打，畀我丫媽發現咗一樣唔會買新電腦=.=

(唉...6年前，同樣咁嘅價錢用單核心；今時今日同樣咁嘅價錢，6核心=,=)