你既意思係買居屋?
你同你男友可以用綠表買居屋, 政府推出居屋的話, 有公屋戶籍, 可以優先抽, 按九成, 即係俾一成首期, 不過政府都無話要起居屋, 就算後日施政報告話起, 最快都要等三至四年先有新居屋落成'; 如果你地用戶籍綠表去買二手居屋, 就唔使補地價, 不過人地一手業主已經補左都會計算落樓價內.
買私樓就無呢啲優惠, 有無公屋戶籍都一樣, 完全唔關事
2011-10-10 14:09:06 補充:
你可以留意二手居屋市場, 通常有兩個價, 一個係綠表價, 一個係白表價, 如果你地有公屋戶籍交番出嚟, 可以用綠表價去買. 不過二手居屋按到幾多成, 要問吓先, 未必可以按到九成, 因為有啲居屋樓齡已經好耐.
你試吓去啲居屋附近既地產舖問吓!
2011-10-19 12:54:35 補充:
其實你可以去問房署, 去屋邨辦事處問, 或者直接上去房署總部問.
曾經有朋友試過只係取消佢自己個戶籍, 買租者罝其屋既公屋囉...
2011-10-19 13:00:03 補充:
私樓要係幾多成首期, 視乎銀行按到幾多成俾你
銀行按幾多成, 要由問銀行去做估價, 樓齡耐就按得越少, 例如你睇啱層樓, 業主開價120萬, 但係樓耐, 銀行只肯借(即係按)60萬俾你, 咁你咪要俾60萬首期囉!
新樓可以按多啲, 同埋發展商賣一手樓, 會幫你向銀行貸款做到一成至兩成首期, 不過利息會高啲.