16歲膊頭重可唔可以撗d？？？

首先 係談論橫之前你要明白點解人會睇落去橫 有好多因素 但最主要因素係肌肉量 姐係你膊頭個舊三角肌 同埋你肩膀上既斜方肌 16歲仔仲未發晒育 唔需要去健身室舉野住 有好多運動都可以幫助你既肌肉同骨骼既發展 例如游水 打籃球等等 當你去到20歲或者發育完成時 你想練大隻再去做gym都唔遲 但係就唔好亂聽人講野 學多d人體衣方面既知識 有好多問題就會迎刃而解 骨細唔等於細隻 高唔等於橫 橫唔等於大隻 記住唔好去做gym 等多2 3年去都唔遲 希望幫到你

做 push up 唔關個膊頭事。

你明唔明，push up 唔係練膊? 如果你去下gym ，連push up都唔知做邊度，你應該找個健身教練學下啦! 唔想花太多錢，報康文署器械班。

長短膊 or 高低?
如果你唔係脊柱側彎，你可能左右背肌一邊強，一邊弱。脊柱側彎找骨科醫生，或脊醫。如果係背肌一邊強，一邊弱，找物理治療師，或一個好的健身教練，做番平衡個背。

有d人話橫唔同高 ，遲下都會橫 … 係咪真？
骨橫同高係兩回事，不過青春期發育係整體骨架生長，骨架唔橫就唔橫，骨架幾高都係。但你只係16歲男，骨架應該還會生長。骨架唔橫，唯有做強膊頭肌胸肌，膊頭肌胸肌大舊d，看起來到會橫。

游水有冇用？
有用。請你跟游水教練操水，佢會話你知游咩式最好。你見到泳池好多晨運阿伯阿嬸游極都咁肥，就知唔係剩係游水，係要操水先有效果。

除左游水仲有冇other choice？
有，去gym。

anyway，你現在只有16歲，請花多點時間讀書。操水，做gym要有效果，要花好多時間心機，你出黎做野先操fit操靚都唔遲，我係出黎做野先操靚。你現在應該多點時間讀書，你都唔少別字。