asso yr1 升degree yr 1的問題!!!急!!

CityU 11月就會開始non-jupas申請. 其他大學方面, 科大已經開始, 其他自己去大學網頁admission個頁睇消息.

non-jupas可以網上報或者書面申請, 前者較便宜. 網上報名者, 申請表要網上開account填, 報名費要用信用卡交或銀行入數. 除報名表外, 交申請時亦要交學歷證明影本(例如: 公開試成績、transcript)、personal statement、證書獎狀影本、推薦信等. 大學會有資料講要交乜文件. 證明文件可以交soft copy(upload去你申請account)或者寄.

書面申請者, 表格可以到大學校園索取. 報名時連同表格、證明文件影本及入數紙交到大學有關部門.

大學無GPA過幾多就一定升到這一回事. 無論任何學系, GPA過3就最好, 但多人爭的學系(例如商科), GPA要3.4/3.5以上先較有用. 大學唔會只係用GPA揀人, 面試亦都重要.

2011-10-11 07:53:18 補充：
GPA一知道就盡快交, 過左DEADLINE/已交申請就後補文件交.有些大學規定要用Official transcript, 即係要比學校$50申請, 學校整好後就直接交上申請院校. 唔接受學生將大學成績連同申請表交.

UE E都可能有面試機會, 視乎大學選人方法. 我以前讀理大HD, GPA 3.0, AL差少少升到城大會計都有得去面試. IELTS方面,城大基本要求係6分或以上, 但6分才相等於UE E級, 想比人見到你英文有進步就起碼6.5-7或以上.