有關乾衣的問題????????

閣下的問題冇人答既原因，可能大家唔想斷估，以免洗壞咗你既貴價衫俾你鬧餐死不特止，仲要狂加負評就該煨。

包括我在內，都唔想答呢類隨時會令發問者有損失又冇法子可以肯定實情應該點做既問題。所以家陣我鼓起勇氣企出嚟發言呢種表面英勇既行為，骨子裏其實係有d腳軟。

以常理來講，可以低溫烘乾既衫，洗衣後脫水FING乾係冇問題，因為有d衫本身唔可以受低溫烘乾，但係都可以FING乾。

以物理角度嚟睇，衣物纖維受熱力影響造成既收縮比起受離心力影響造成既收縮會更大，所以你應該唔使擔心。

但係如果你件衫係好仲意，或者好貴，咁我既意見你就只可以作為參考，唔可以作為指引，你要聽聽其他人點講。

最後想講既係，如果件衫FING乾後有咩不良後果，你只可以番嚟呢度鬧我一次，跟住喺我是但一條回答題唱我一次，另外上我face book喧嘩一次，總共三次。


請以滑鼠揀選﹕

我對以上條款「接受」「不接受」。

2011-10-09 14:22:53 補充：
是的，脫水與烘乾是兩種不同的概念，烘乾是脫水後的下一個衣物處理程序。「烘」字有明顯的「用熱力處理」的意思，「脫」字比較傾向於「用運動力處理」的意思。