為什麼吸煙被歧視

為什麼吸煙被歧視?吾會 !

香港重有四五成人吸煙

佢加稅都系有理道 / 目的 :

倍增煙稅效果更佳　今逢金融海嘯，市民購買力下降，若在此時大加煙稅，令煙支價格上升，必然更具效果。財政司應增加煙稅一倍，原因有二：其一，小幅度增加煙稅只會有短暫或有限的效果，例如短期減少煙量或轉吸廉價煙。然而，煙民很快適應，回復原狀。其二，增加一倍具有強烈政策宣示意義，有助社會營造控煙氣氛，一方面促進煙民戒煙，另一方面防止青少年吸煙。世界衛生組織建議將煙稅用於控煙工作上，若政府從善如流，撥出煙稅成立控煙基金，資助更多防煙、戒煙及研究項目，效果必然更為卓著。去年的煙稅總額只有不足三十億，而香港大學的研究卻顯示本港每年因為吸煙和二手煙而導致的經濟損失高達五十三億元，同時更奪去近七千人命。大幅增加煙稅令更多人戒煙及更少人嘗試吸煙，所減少的經濟損失及人命，又豈是區區三十億可以取代？

現今世界乜都係講自由，講人權，你喜歡跑馬，看足球，飲紅酒，飛車。我喜歡吸煙，睇戲，飲啤酒，行山，跳舞，游泳有甚麼不妥？

馬路上的行人路好寬，你唔喜歡聞煙味，可以行遠 D，禁煙的地方不吸，在沒有禁煙的地方才吸煙，已經遵守法律，也都已經照顧不吸煙人士，還需要做些甚麼，為甚麼還會被人歧視，這太過份了，也是干洩和不尊重人家自由和人權的行為。

香煙應該是香的，只因煙稅太重，煙商利潤不夠，用了劣質材料，吸煙人仕個個買了下價煙，走私煙，假煙才這麼臭，外國的月亮特別圓，連煙都係外國香 D 架，信不信由你嚕。

醉酒的後果禍害更甚，打架、生事、車禍害人、常飲烈酒傷肝、變肝癌，這都不見得是甚麼好東西，只不過話事人係酒徒，酒之愛好者，小市民無辨法啦，係咁架啦，選個喜歡吸煙的特首或者有轉機。

哈哈！廢話一大堆，唔 arm 聽，請諒！


2011-10-08 23:00:00 補充：
子華大大，唔使自卑架，我行我數，如果過路的對住你做出係咁撥既手勢，你就向佢係咁噴，還以顏色。

2011-10-08 23:20:02 補充：
一手、二手煙對人有害，係大家都知道的事實，汽車廢氣對人有害亦都係大家都知道的事實，唔通我地唔好開車、唔準用車，唔準坐車？你每天吸入汽車的廢氣比吸入二手煙的都不知多上幾多倍，講真，兩種廢氣都係差不多唶，死路一條。

哈哈！果位眼又矇耳又聾博士比喻得真係妙！

題主，50年前d人食雅片煙，咁點解你會唔食？

一上知識+發問呢條問題就俾咁多人柄到七彩，你可以睇到今時今日食煙真係犯眾憎，當然，你可以堅持繼續犯眾憎、繼續被歧視，呢d係你既權利。

不過叫你搣咗佢睇怕你都唔係咁容易，咁唯有同你講句﹕

煙仔地位已死！

節哀順變啦！

2011-10-09 09:51:22 補充：
題主，aa知識長只係想你俾人打所以叫你用煙噴人，千祈唔好上當，否則你個鼻會扁。呢個世界有d人只係想你死，你肺癌痛到典吓典吓佢絕唔會因為發表過支持你食煙既言論內疚，你俾人歧視佢亦唔會同情你，你就算俾人向你塊面吐口水佢都唔會理你，因為佢根本就唔愛你。

呢個世界唔會有太多好人，魔鬼化身既天使就有好多，哈哈！

2011-10-09 18:38:00 補充：
其實我地個個都唔愛你，只有你自己先會愛你，呢d叫自愛。

今時今日反煙口號已經改變了，人人大喊的是﹕

吸煙危害荷包！

2011-10-16 18:34:13 補充：
哈哈！又多一個唔錫你個荷包又唔唔愛你個肺同我一樣只愛最佳回答既人走咗出嚟。

試用另外一個角度睇吓唔食煙人嘅感受.

如果旁邊成日有人响你面前放屁; 你會點做?

真係吸咗入去就冇問題，但呼返出嚟先至係大問題﹗

二手煙會害人?

係會害到人
你呼出黎ge煙.
人地吸啲二手煙吸入8成
而食緊煙ge人就吸得2成

可想而知，對唔食煙ge市民ge身體造成左唔健康
而且鼻毛係有阻塵粒ge作用
但係唯獨阻唔到你呼出黎ge煙.

之所以食煙人仕被歧視
係因為唔食煙ge人真係好討厭食煙人仕
甚至你開始攞起火機.
噠著支煙
呢一刻就開始好憎你
因為煙味真係好臭.

你再試下係室內密封空間
你係咁狂食煙.
然後再出去一陣
再返入去個室內密封空間
你就會覺得局.

當然你聞慣呢啲二手煙ge味
所以可能唔會覺得焗.

其實我主要想講ge就係.
你係條街一路食一路呼煙出黎.
啲煙味真係好難頂.
就正如剛才說
真係覺得好焗.
仲要唔食ge市民就你一個.

例如.要行快兩步過你頭.
係你後面or附近
又要掩住個鼻.

你知啦，無得呼吸真係好慘
但係一呼吸又要吸你啲二手煙
好辛苦囉.

吸煙真的會危害健康,如果你吸煙吸得多個肺會變成黑色,而且會有肺癌.二手煙會害人,你呼出的"黑煙"別人會覺得很臭,都會有以上問題.政府加煙草稅是為了我們健康,