JUPAS一問~急!!!!

其實首先都係要諗你想讀咩
或者試下循以下o既方法諗:
你o既語文,選修科有冇咩強項? 呢d科目當中, 你有冇邊科特別有興趣?
你見到唔同人, 唔同職業, 會唔會有d職業你有興趣?
身邊o既人有冇影響你呢方面o既想法? 例如爸媽叫你讀某一科, 你會唔會認同?
你認為揀科, 要考慮咩因素? 興趣, 錢途, 前途? 大學風氣, 學習環境?

另外仲要主動了解唔同科讀乜, 唔同行業做乜
上各大院校o既網可以搵到好多資料
大學info day都要去, 有目標地去
要計劃好睇咩課程o既展覽/聽咩講座
問o個d大學生o既問題要諗定
例如呢科同另一科好似, 其實有咩分別? 兩間大學同一科, 教學模式有咩唔同? 如果放榜後先擺band a, 有冇機?
如果問al收生o既grade, 選修科係唔係一定要有某一科, 呢d資訊網上有哂

講返jupas o個300字~
我聽d老師講, o個300字係寫自己其中一個學習經歷/興趣
寫個經歷點解對你有意義/點影響你o既成長/目標
當中要提及你o既條件(例如好勤力, 關心別人等等)
呢d條件要同你想讀o既科要求o既條件配合
可以講你有咩抱負, 例如讀醫, 希望醫好病人

另外睇報紙見到"建議學生撰文時不要硬銷自己履歷，或向心儀大學和志願科目「擦鞋」，應顯示個人特點和對學科的認知等"