跟媽媽入天主教堂？！

點解不太好呢 ? 你受浸係咩教會, 佢地唔比咩?

2011-10-04 21:23:29 補充：
其實我最煩既就係大家都唔會想返對方要去的教堂///教會...
咁咪唔好勉強囉.

教會都冇話比唔比,但會話唔鼓勵,會叫我試下叫媽媽返...
咁掉返轉頭, 你媽媽都係咁諗既啫.

呢個就係點解世間上咁多交嗌既原因囉. 在100%教義裡, 緊緊執著那5%不同, 那其他95%相同既地方呢? 卻全拋到腦後. 耶穌, 唔係同一個耶穌咩? 救恩唔係同一個救恩咩? 愛人如己咪就係愛人如己咩? 不同的地方, 不是 [致命]的地方咪得囉.

既然天地都係衪創造, 耶穌又與我們天天在一起, 去邊間教會敬拜佢, 或者隨時隨地祈禱, 佢都收到咪得囉.

有時覺得基督徒 (泛指天主教及基督教) 執著得好可笑.

唔准為祖先上香, 係咪? 不過就可以獻花同埋點蠟燭. 為什麼? 因為, d鬼佬神父/牧師都係點蠟燭既, 所以傳到來中國咪都可以囉, 但係上香就唔得, 就只因為鬼佬唔上香? 咁耶穌夠冇用過白蠟燭啦, 點解大家唔學聖經入面既d童女咁點油燈呀? 咁重陽節上一注香為紀念祖先, 或者點支蠟燭祈求祖先庇佑, 邊樣啱邊樣唔啱吖?

形式重要, 定係意義重要? 到底問題出係支香度吖, 定係d人度呀? 到底, 有幾多個教徒會認真諗下, 聽番來咁多野, 重點係邊度呢? 呢度仲有個短故事, 都幾值得深思, 介紹比你:http://www.catholic.org.tw/tainan/at/47.htm

試過多次有基督教既朋友挑戰在下, 但問佢地, 其實冇一個係親身去過天主教既禮儀, 全都係聽人講. 不過可能去過都冇用, 因為佢地係 [著晒盔甲起晒螯], 認定你地個個都係魔鬼, 而唔係本住了解多d既心情去, 全部都用人地講既來攻擊我, 而唔係佢自己睇既. 例如天主教係咪淨係恭敬聖母, 當佢係媽媽? 佢地唔係拜聖母咩? 點解有d教堂入面根本見唔到聖母像? 未去過又點知將d聖母像點樣用?

本人不太介意去下基督教既崇拜, 亦去過兩三個不同既會, 其實大家做既野都係個d, 只不過形式不同. 但係, 氣氛就好唔同. 佢地比好多壓力你, 老實講, 在下覺得佢地唔會比任何餘地你思考, 咁咪同迷信差唔多囉. 某d教會更差, 利用一d心理手法, 令人在專注中感到聖靈充滿, 不自控地手舞足蹈. 不過, 在下既心理學訓練都學過, 明白呢d係心理作用, 同聖靈無關, 佢地咁做一係出於無知, 否則就屬於呃神騙鬼.

係邊度, 同咩人一齊祟拜唔係重點, 你個心有無到先至係重點.
講幾多教義, 贏幾多場辯論唔係重點, 有冇實踐信仰, 按照耶穌既教訓做人先至係重點. [當人看見你的作為, 就知你是我的門徒.] 咁咪夠囉.

不過, 在下不會因為一兩次不愉快既經歷, 而全盤否定所有基督教既教會. 在下也在生活上遇到一d好既基督徒, 係佢地身上睇到耶穌既影子. 總之, 在下既結論係, 天主教比較適合我, 如此而已. 或者, 你媽媽唔去基督教教會, 又有佢既原因? 你不妨同佢傾下. 你都一樣. 未試過只係唔知道, 去過發現唔適合, 咪徹底明白邊個最啱你囉. 好過未試過, 不過信人地既說話而唔試, 咁其實係迷信. 你既教會都 [冇話一定唔比], 因為佢地都唔係想你迷信佢既說話, 你其實係可以揸主意去唔去既.

===
總而言之, 在下認為, 你地其實無必要一定拉對方去自己既教會. 好奇想知多d就去啦, 千其唔好覺得被迫就得嘞.

其實，這是子女與母親間信仰上的角力，閣下信仰基礎建立在基督教，母親信仰基礎建立在天主教上，兩者之間有差別是在所難免的。而且，兩者的共通是所相信的神也是創造天地的主，到彼此的教會及教堂敬拜神實際上並不是壞事。

不妨與母親談論有關信仰上的事，試體諒她的情況，亦試試將信仰上的觀點與她分享，了解她的信仰。

本人並不理解天主教，所以對天主教就不作評論。
基督教著重靈命長進，將信仰溶入生活、生命裡，去感化別人，行耶穌的教導，向他禱告祈求感謝，認罪、悔改，主動親近神。

你的行為若活出耶穌的教導，相信其他人也會因你而改變的。

使徒保羅就算在被收監時依然提醒信徒：
提後 4:1 我在神面前，並在將來審判活人死人的基督耶穌面前，憑著他的顯現和他的國度囑咐你：
提後 4:2 務要傳道，無論得時不得時，總要專心；並用百般的忍耐，各樣的教訓，責備人、警戒人、勸勉人。
提後 4:3 因為時候要到，人必厭煩純正的道理，耳朵發癢，就隨從自己的情慾，增添好些師傅，
提後 4:4 並且掩耳不聽真道，偏向荒渺的言語。
提後 4:5 你卻要凡事謹慎，忍受苦難，作傳道的工夫，盡你的職分。
提後 4:6 我現在被澆奠，我離世的時候到了。
提後 4:7 那美好的仗我已經打過了，當跑的路我已經跑盡了，所信的道我已經守住了。
提後 4:8 從此以後，有公義的冠冕為我存留，就是按著公義審判的主到了那日要賜給我的；不但賜給我，也賜給凡愛慕他顯現的人。

ok, juese will help you to do this,boring your mum to church.
it's ok
i hope i can help you too!!!
god with you!