我想問點煮公仔面?(出前一丁)

出前一丁煮法 想食入哂味既話: 滾好適量既水，然後落麵，等的麵散開哂之後，再落麻油，味粉然後撩佢幾下熄火，蓋好個煲等5分鐘左右，搞掂。 想食香口既話: 滾好適量既水，然後落麵，等的麵散開哂之後，用筷子夾上碟個煲的水倒哂佢，然後用回個煲加少少油，燒兩燒之後將的麵倒返落去，然後個煲輕輕離開火面，同時用木筷子勁撩的麵，唔好俾佢痴底，炒幾炒之後，落3/4包味粉，再勁撩，撩到o的色澤平均的然後上碟再加麻油，搞掂 (記住唔好用穫黎炒，難食好多)。 想食爽口既話: 先放一大煲凍水，用另一個煲滾好適量既水，然後落麵，等的麵散開哂之後，用最短既時間倒左的熱水去，再將o的麵倒落果大煲凍水果度，再開大水喉勁沖的麵等的麵凍左，然後要即刻隔哂的水去，唔好用水沉住o的麵 (成個過程動作要快..)，然後用個細煲，放適量水，落味粉，較好味之後水滾熄火將的湯倒落的麵果度，加麻油又搞掂。 芝士撈麵:用另一個煲滾好適量既水，然後落麵，等的麵散開哂之後，用最短既時間倒左的熱水去，然後將的麵上碟。跟住煲滾的新水，用個大湯殼，放適量既卡夫芝士落去個湯殼果度隔水將的芝士煮溶，溶左之後即時淋上麵面，食得。 勁懶煮法:滾好適量既水，然後落麵落粉落麻油，蓋好個煲然後由得佢煲，聞到公仔麵既香味之後，就可以熄火落碗。from http://www.yukz.com/vol/treasure/live/6/192-noddle.html 日清出前一丁原味（附加「麻油」）出前一丁即食麵內附有麵餅一個、湯包及麻油一少包。煮法很簡單，用２杯１／４水（約５００毫升）煮三分鐘，煮熟後熄火再加湯包麻油，然後攪均就可以吃了。from http://www.daihung.com/blog/2006/08/09/2306

你未剪開包裝袋時先睇睇背面，有清楚煮食指示俾你睇，睇完明白才剪開包裝袋。